مصر موتورز مجتمع السيارات - العلاقة بين كهرباء الموتور وكهرباء السيارة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - العلاقة بين كهرباء الموتور وكهرباء السيارة (https://www.masrmotors.com/vb/showthread.php?t=95616)

العلاقة بين كهرباء الموتور وكهرباء السيارة

السلام عليكم ورحمة الله وبركاتة

الموضوع زى ما مكتوب فى العنوان
هل فى علاقة بين كهربة الموتور(اسبراتير -بوجيهات بوبينة..الخ) وكهربة العربية (نور وكاسيت ومروحة ...الخ)
المشكلة كالاتى :
كان عندى مشكلة ان ال rpm بيوطى بتاع 300-400ار بى ام
مع اى حمل كهرباء لو فتحت النور مثلا او لو مروحة الردياتير اشتغلت وهكذا

جيت يوم الوقفة قرصت شوية على العربية فى مشوار كدة وجيت فى نص المشوار شميت ريحة شياط
ولقيت العربية بتنتش اكنها متلتة واتكتمت جامد ومهما ادوس بنزين ماتجمعش الا فى اخر الدواسة والسحب بقى فى الضياع
(انا شكيت انها جابت اسطوانة)
المهم بطلتها بتاع ربع ساعة كدة وجيت ادور غابت شوية فى الدوارة وصوت الموتور بقى عالى شوية وحاسس ان العربية متلتة (بس هى مش متلتة)

وحاليا صوت الموتور بقى عالى شوية و العربية سحبها احيانا يبقى كويس واحيانا يبقى زبالة وساعات تجمع سرعة عادى جدا وساعات تبقى بطة بلدى

المهم اناعارف دة عيب يأما بوجيهات او سلوك بوجيهات او بوبينة وناوى اغيرهم ان شاء الله
اللى محيرنى بقى ان بعد الموضوع دة ما حصل كهربة العربية اتظبطت
يعنى ال rpm مابقاش بيوطى مع تحميل الكهرباء مش عارف لية !!!

فهل فى تفسير علمى للى حصل
انا اللى اعرفة ان العيب اللى كان عندى فى كهربة العربية سببة اكيد يا كتاوت يأما فى حاجة فى الدينامو
انما اللى حصل ومش فاهمة
ان اول ما كهربة الموتور برجلت كهربة العربية اتظبطت ؟!!ايه ياترى

رد: العلاقة بين كهرباء الموتور وكهرباء السيارة

:shyy::shyy:متابع ..

رد: العلاقة بين كهرباء الموتور وكهرباء السيارة

يا باشا
الموضوع معقد حبتين لكن ان شاء الله ابسط لحضرتك

الكهربا فى اى عربيه

مصدرها البطاريه والدينامو

وكل اللى بيحصل انه بيتعمل حاجه من مجموعه من الاسلاك مع بعضها تسمى ضفيرة العربيه

ودى بتوصل الكهربا لجميع اجزاء العربيه من كاسيت ونور واشارات وكلاكس وكل الحورات

ان شاء الله اكمل لك الموضوع نظرا لضيق وقتى حاليا وظروف طارئه

رد: العلاقة بين كهرباء الموتور وكهرباء السيارة

اقتباس:

المشاركة الأصلية كتبت بواسطة محمدصلاح القاضى (المشاركة 743675)

التكمله

وفى جزء تانى منها بيروح للموبينه والمارش
ودا بيعتبر من اهم الاجزاء لاداره وتشغيل السياره

لان الموبينه بتاخد ال 12 فولت من البطاريه وبتطلع فولت اعلى عشان تقدر تخلى البوجيهات تحرق البنزين والموبينه مش هى المسؤله عن حرق البنزين بس لا دا بيشترك معها حاجات تانيه كتير زى الابلاتين والكوندنسر والاسبراتير وسلوك البوجيهات والبوجيهات ودى كلها منظومه متكامله اذا حدث عطل لاى جزء لا تستطيع الاجزاء الباقيه القيام بعمله ولذلك يجب الفحص الدورى على الاجزاء دى

ثانيا
المارش

هو المسؤل عن ادارة وتشغيل المحرك من وضع السكون الى الحركه ويتكون المارش من
ملف نحاسى على طرفى غطا الملف يوجد مغناطيس وشاربون للتحكم فى حركة الملف وتوليد الحركه

اتوماتيك مارش وهو المسؤل عن فصل الحركة عن المارش بعد تشغيل السياره وهو من الاجزاء المهمه جداا فى تشغيل السياره حيث انه عطله لايسمح بتشغيل السياره اطلاقا الا عن طريق طرق اخرى
مثل النقر بجسم صلب على الاتوماتيك من الخارج
او تشغيل السياره عن طريق الزق وتعشيق التروس للفتيس وهذا يصلح للسيارات المنيوال ويحظر فى السيارات الاتوماتيك

ومن هذا المنطلق اصبح نظام الكهربا من الانظمه المهمه بالسياره ولا يقل اهميه عن اى نظام اخر

اتمنى ان اكون افدت حضرتك وكل عام وانت بخير

رد: العلاقة بين كهرباء الموتور وكهرباء السيارة

اقتباس:

المشاركة الأصلية كتبت بواسطة محمدصلاح القاضى (المشاركة 743675)

متابع مع حضرتك