مصر موتورز مجتمع السيارات - كاوتش النترا 2012 على 28 و لا 32 ؟؟

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - كاوتش النترا 2012 على 28 و لا 32 ؟؟ (https://www.masrmotors.com/vb/showthread.php?t=95181)

كاوتش النترا 2012 على 28 و لا 32 ؟؟

السلام عليكم

دلوقتي بالنسبة للعربية ده انا فاكر ان اول ماجبتها كان ضغط الهوا في الكاوتش حوالي 40 .. و سألت ناس قالولي ده علشان وقفة العربية في المعرض علشان الكاوتش مايطبقش

و بعدين عملتها على 28 و مارضتش اعملها على 32 علشان الحرارة عندنا في مصر و كده

و بعد 8 اشهر و انا باعمل الصيانة المهندس قالي ده لازم تبقى 32 زي الكتالوج ما بيقول و عملهالي على 32 بس للاسف لما طلعت اجربها لقتها ناشفة اوي و فواصل الكوبري تحسها بتخبط في العربية

و رحت لواحد بتاع كاوتش و خليته يرجعهالي 28 تاني و عملتها نتروجين و رجعت ناعمة تاني و يمكن انعم من الاول

السؤال بقى ايه رأيكم اخليه على 28 و لا 32 و لا 30 مثلا .. و هلى لو على 28 هيبقى فيه استهلاك بنزين اكتر و الكاوتش هيتاكل اكتر بصورة مقلقة ؟؟؟؟

والدي بيقولي خليها على 28 و هتديك ثبات اكتر و احسن للعفشة

رد: كاوتش النترا 2012 على 28 و لا 32 ؟؟

بص ياباشا .. اتبع كاتالوج العربية لان اللي كتب الكاتالوج هوا اللي صنع العربية وعلى راي المثل اهل مكة ادرى بشعابها .. واصلا الضغط المنخفض بيزود معدل استهلاك البنزين وفي نفس الوقت بيبوظ الكاوتش وبيبهدله ... واصلا الانترا عفشتها ناشفة علشان تبقا عارف ..

رد: كاوتش النترا 2012 على 28 و لا 32 ؟؟

يا شريف باشا فيه مثل بيقول اهل مكة ادرى بشعابها .. كوريا ماجتش شافت شوارعنا عاملة ازاي .. و واضح من نشوفية العربية انها فاهمة ان مصر ده زي اوروبا .. يعني مثلا و انا سايق العربية على الصحراوي فيه حتت العربية بتبقى ماشية فوقيها بنعومة غريبة .. و اعتقد ان ده الاصل ال موجود في دول العالم ال بتحترم اهلها

و اعتقد ان الفرق بين ٢٨ و ٣٢ مش كتير و اتمنى لو حد يشاركني في الموضوع ده بالتجربة .. و بعدين لو الكاوتش و البنزين معدل استهلاكهم هيزيد سنة توز في سبيل ان العربية تكون انعم و اريح

انا تفويلة التنك بتعمل معايا من ٤٠٠ ل ٤٥٠ كيلو .. ايه رأيكم .. و سيبكم من الكتالوجات لان اصلا الموتور ال بينزل بره و العربية ده خدت بسببه احسن عربية في امريكا مش هو الموتور ال بينزل عندنا

معدل الاستخدام عندي تقريب ٩ و نص في ال ١٠٠ كيلو
و شكرا لمشاركتك شريف باشا و منتظر رأيك

رد: كاوتش النترا 2012 على 28 و لا 32 ؟؟

32 واشتري دماغك

رد: كاوتش النترا 2012 على 28 و لا 32 ؟؟

اقتباس:

المشاركة الأصلية كتبت بواسطة mustafa811 (المشاركة 740312)

عموما ممكن واحد من ملاك الالنترا يفيدك ... بس برضه كوريا مش عاملة حسابها ان العربية دي هتمشي في طرق مكسرة .. اصلهم متعودين على الطرق النظيفة وعاملين حسابهم ان العربية هتمشي في طرق كويسة مش الطرق الوسخة اللي في مصر .. واصلا الطرق اللي مصر دي مش طرق اصلا ... عموما ان شاء الله تلاقي واحد يفيدك برضه .. وتقبل تحياتي