برجاء المساعدة في توفر قطع غيار 330I
 

السلام عليكم ورحمة الله وبركاته،
اخواني الكرام الحمد لله بعد طول بحث وتعب ولخبطة وتردد ربنا هداني لقرار تملك العربية الرائعة دي والحمد لله عاجباني جدا وكنت بس محتاج منكم شوية استفسارات.
كان عندي استفسار بسيط بخصوص عربية 330I - 2001 هل ليها قطع غيار عندكوا في مصر عموما؟
انا مقيم في الخليج وعندي شوية مشاكل بسيطة كدة وكنت عايز انزل بري بالعربية اهي اشدها في مصر وبالمرة اقضي بيها المشوار رايح جاي.
انا كان عندي تسريب زيت في دايرة الباور بس افتكر اني الطرنبة سليمة لاني بزود الزيت والدركسيون خفيف ومظبوط.
ارجو سرعة الرد لاني رايكوا هوا الي هيحدد انا هنزل بري ولا طيران لاني فعلا قلقان اني ابقي بالعربية في مصر واتعرض لاي مشكلة وما اعرفش احلها.
كمان من ساعة ما اشتريت العربية والفبرة بتاعت تجميع الهوا مش موجودة الي هيا في اول الكبوت.
كنت عايز اغير الفانوسين الي قدام بالمرة لاني لونهم اصفر قوي.
بالمرة هل لو اتعرضت لاي مشاكل خلال تواجدي بيها في مصر هعرف اصلحها ولا ايه الكلام والا بلاش انزل بالعربية دي بقي اضمن؟

رد: برجاء المساعدة في توفر قطع غيار 330I
 

والله انا افضل انك تضبط كل حاجة قبل ما تنزل بالعربية
اما في مصرممكن تلاقي قطع الغيار عند الحرفيين
ومبروك على العربية

رد: برجاء المساعدة في توفر قطع غيار 330I
 

اولا الله يبارك فيك ياباشا وفعلا ميرسي جدا علي سرعة الرد.
انا فعلا فكرت في كدة والي مشجعني توافر قطع الغيار ليها جدا هنا الحمد لله والفكرة داخلة دماغي جدا.
بس ستل لسة عندي مشكلة التعرض لاي ظرف طارق في مصر ومش عايز احتاس بيها هناك.

رد: برجاء المساعدة في توفر قطع غيار 330I
 

بص ياباشا
انتا عندك في الخليج شوف كل حاجة محتاجاها العربية وغيرها
من الاخر خلي حالتها كالزيرو
ولما تنزل بيها مصر اهتم بالصيانة كل فترة
يعني كل شهرين كده غير زيت وفلتر وكلام من دا
وساعتها العربية هتبقا تماااااااام معاك

رد: برجاء المساعدة في توفر قطع غيار 330I
 

ياعني ٤١ مشاهدة وعضو واحد الي تقاعل معايا والله برضو الحمد لله علي كل شيئ حاجة كويسة.:shyy: