|
مساعدة لمشكله في عربية 128
السلام عليكم
العربيه عندي كانت لما بتسخن تفصل ومترداش تدور الا لما اسيبها تبرد خالص وانزل ميه كده عند طرمبة النزين عشان عطلت مني مره وميكانيكي قالي محتاج تغير طرمبة النزين بس النهارده بطلت مني فجاه ومبدورش الا لما بزودلها بنزين وبمجر مشيل رجلي من علي دواسة البنزين تفصل خالص لكن لو انا بجري مثلا وهديت بفرامل عادل ماشيه بس لو هديت خالص ودوس دبرياج تفصل بمجرد مشيل رجلي من علي البنزين ارجوووو الحل قبل ماروح للميكانيك شكررراااا |
رد: مساعدة لمشكله في عربية 128
محتاجة حد خبرة يظبط بيك السلانسيه و مسمار الهوا و الكهرباء و يظبط مسمار السلانسيه بتاع البنزين و احتمال يظبط الاسبراتير
و احتمال لا قدر الله زيى ما انت قولت مضخة البنزين جابت اخرها |
رد: مساعدة لمشكله في عربية 128
شوف يا فاروق باشا انت المشكله عندك تنظيف كربرتير والبيكات
وأنا أقولك على حل كويس يسعفك لو حصلت معاك تانى الموضوع ده شوف ياسيدى انتا عارف الأسبراتير فيه 3 سلوك فوق بجانب بعض و 2 سلك تحت جنب بعض اتفك السلك الاولانى من ( 3 سلوك فوق بجانب) اللى برا مش اللى ناحية الماتور وأتبدله مع السلك اللى جوا ( يعنى ناحية الماتور ) من السلكين اللى تحت وبعد كده أتدور العربية وتزود بنزين تدريجيا هتلاقى العربية أتضرب معاك مدافع وصوت فرقعه فى الكربراتير ده كده معناه انك بتنظف الكربراتير من الوساخه اللى فيه ( تعد تدوس بنزين وتسيب لحد ما ينظف الكربراتير وترجع السلوك زى الأول |
رد: مساعدة لمشكله في عربية 128
للأسف يا باشا شكلها طرمبة بنزين وحاجة علشان تتأكد منها الصبح لما تيجى تدور العربية بيبقى فى بنزين فى الفلتر ولا لا والسيارة ما بتدورش الا لما تحضرلها لو العربية سخنة وتمام وحس الموتور مظبوط بتلقيها كأنها هتبطل وبعدين تلقيها بطلت مرة وحدة فده وسخة بنزين ثمانين ولو المشكلة وسخة سهلة أخلاف بوجيهات وكام مدافع وتبقى حط شوية بنزين 90 أو 92 مع التفويلة الجاية وأطلع بالسيارة لطريق سريع وأجرى بيها هتلقى كل الشوائب والواسخة راحت نفس الكلام بيحصل معايا علشان وساخة البنزين وبمشى فى أشارات لكن لم أجرى بالعربية سريع دولى صحرواى تلقيها أتظبطت وجرب وقولنا أن شاء الله بسيطة بس أتاكد البنزين بيفضل فى الفلتر ولا لا علشان لو مبيعدش فى الفلتر لغاية الصبح لما تيجى تدور تبقى أنت حضرتك كده محتاج طرمبة وسعره أخر مرة أشتراتها كانت 75 جنية وانا شاء الله تطلع وساخة بنزين. كل سنة وحضرتك طيب. أخوك محمد :Wkiss5::120105~352::Wkis s5: :Wkiss5: |
رد: مساعدة لمشكله في عربية 128
اقتباس:
لالاسف انا مش بفهم قوي فخايف اعمل حاجه غلط ومش عارف بصراحه بالظبط احدد انهي سلوك انت بتتكلم عليها. بس ممكن اقول للميكانيكي علي الموضوع ده يمكن يعرف ينضف الدنيا شكررااا |
| الساعة الآن 09:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017