محتار ومتأكد إن أصدقائي في المنتدى العزيز هايساعدوني
 

أخوكم محتار جدا في أفضل أنواع العربيات اللي ممكن أشتريها بحدود من 80,000 إلى 110,000 مش أكتر. أنا قرأت معظم المشاركات في المنتدى عن أفضل العربيات في السوق المصري وفاهم إن إختيار العربية بيكون على حسب الإحتياج الشخصي، وزرت النهاردة معرض العربيات في مدينة نصر، وبصراحة كل العربيات جميلة وحلوة (أو تقريبا كلها) بس اللي أنا متأكد منه إني مش هافهم في سمعة العربيات في مصر زي الأساتذة الخبراء في المنتدى العزيز، وطبعا أساسا أنا مش من سكان مصر، بل من زائريها الدائمين. إحتياجي للعربية بسيط أوي، جوة البلد مشاوير بسيطة، ويمكن سفر كل فترة طويلة على اسكندرية أو المصايف (بس على فترات طويلة مش بشكل مستمر). أعزائي تنصحوني بإيه من العربيات دي، ولو في عربيات إنتو تعرفوها أفضل بالسعر اللي أنا عاوزه ياريت تقولولي عليها أكون شاكر لكم وأكيد هابقى عاوز يكون ليها سعر كويس عند إعادة البيع:

1- نيسان صني سوبر صالون.
2- نيسان ليفينا (أغلى شوية 115,000 جنيه)
3- إسيبرانزا إي 620.
4- هيونداي إلانترا
5- هيونداي آي 30.
6- تويوتا ياريس.
7- إسبيرانزا تيجو 2000 سي سي.
8- بريليانس إف آر في ناقل حركة أوتوماتيك.

ياريت يا جماعة تفيدوني عشان أنا خلاص بإذن الله ناوي أجيب العربية الأسبوع ده. وعلى فكرة أنا مش ملتزم بالعربيات دي، أنا هاشتري العربية اللي تكون الأفضل وآرائكم العزيزة هاتساعدني جدا في إختياري.

تحياتي.

إبراهيم.

رد: محتار ومتأكد إن أصدقائي في المنتدى العزيز هايساعدوني
 

ميتسوبيشي لانسر 1600 اوتوماتيك

رد: محتار ومتأكد إن أصدقائي في المنتدى العزيز هايساعدوني
 

اي 30 من انضف العربيات اللي عملتها هيونداي بس محدش عارف لسه هتبقي معمرة ولا 5 سنين و اقلب زي كل الكوري

رد: محتار ومتأكد إن أصدقائي في المنتدى العزيز هايساعدوني
 

شكرا يا أستاذي مرورك الكريم، حضرتك تقصد

<TABLE border=0 cellSpacing=0 cellPadding=0 width="100%"><TBODY><TR>< TD></TD><TD><TABLE style="BORDER-COLLAPSE: collapse" border=0 cellSpacing=0 borderColor=#111111 cellPadding=0 width="100%"><TBODY><TR>< TD width="63%">Lancer EX MIVEC 1500 M/T , A/T GLX</TD></TR></TBODY></TABLE></TD></TR></TBODY></TABLE>
ولا

Lancer EX MIVEC 1500 M/T , A/T GLS

عشان أنا مش عارف الفرق بينهم ولا حتى عارف أسعارهم. بس موقع كونتاكت مكتوب فيه إن لانسر FO/AT 1.6 عاملة 110,000 جنيه. بس مش عارف الموقع يقصد أي موديل منهم.

شكرا لمرورك يا عزيزي.

رد: محتار ومتأكد إن أصدقائي في المنتدى العزيز هايساعدوني
 

انا افضل
4- هيونداي إلانترا
5- هيونداي آي 30.