|
النترا 2012 .. ولا سيراتو كوبية .
السلاااااااام عليكو
انا دلوقتي معايا الكوبية بقالها سنتين كدا او اقل شوية .. وشفت النترا وعجباني بالذات فاللون الاحمر وفي عربية تانية كدا رينو ريفلونس او حاجة زي كدا ( مش متأكدة من الاسم ) برضو فاللون الاحمر شكلها يجنن اية رئيكم ابدل ؟ ولا اخليني زي مانا ؟ |
رد: النترا 2012 .. ولا سيراتو كوبية .
العربيه اللي حضرتك تقديها بالفعل اسمها رينو فلوانس
ولكن لو هتجيبيها هتحسي بفرق واضح وملحوظ جدا في اسعار قطع الغيار بينها وبين السيراتو اللي معاكي والرينو بصفه عامه تقيل في بيعه و وسعر اعاده البيع مش حلو ولكن هي افضل من الالنترا من وجهه نظري يبقي معني كلامي انك تجيبي النترا نحسبها بقي ازاي بقي الالنترا اول فئه اوتوماتيك ب 125000 جنيه شوفي انتي هتبيعي بكام وهتحطي فرق كبير لان الكوبيه اعاده بيعها برده مش اد كده وهتجيبي الالنترا الحمرا اللي عجباكي وفعلا لون جميل بس للامانه اولا مش هتحسي بفرق كبير بينها وبين عربيتك في الركوب يستاهل المبلغ الفرق ثانيا للكوبيه بتاعتك الفئه الاولي كمان فالاوبشن اللي فيها اعلي من الالنترا اللي كاتب تمنها فوق ولو خلاص الفكره في دماغك وعاوز تجربي عربيتي في اي وقت انا تحت امرك وبعدها قرري فبلاش نغير دلوقتي شويه كدا نشوف 2013 فيها ايه :010104~171: ودي وجهه نظري الشخصيه ورأيي المتواضع |
رد: النترا 2012 .. ولا سيراتو كوبية .
أنا مش مشجع حكاية التغيير من كوبيه للإلانترا دي خالص.
معلش ياعني ومع الإحترام الكامل للإلانترا وكل ملاكها. الكوبيه فيها تميز عن السيدان والمستوى تقريبا زي بعض مع إن الكوبيه إمكانيتها وأداءها أعلى من الإلانترا. يبقى ليه أقارن بينهم بقى إنتي خلاص راكبة أصلا كوبيه أنا كان ممكن أتوقع سؤالك دا لو الحالة معكوسة وساعتها كنت هقول كل واحد وإسلوبه ومزاجه في السواقة. بالنسبة للفلونس ماعرفشي عنها حاجة أكتر من إنها عربية شكلها حلو. |
رد: النترا 2012 .. ولا سيراتو كوبية .
السلام عليكم الرينو قطع غياره خاليه وسعره في اعادة البيع بيخسر النصف تقريبا خليكى في الألنترا وسيبك من تارينو والسيراتو جميله بس اتزان الهيونداى احسن و سمعت ان الألنترا هينزل شكل كوبيه في 2013 http://desmond.imageshack.us/Himg221...pg&res=landing http://www.google.com.eg/search?q=%D...w=1024&bih=581 والله المستعان |
رد: النترا 2012 .. ولا سيراتو كوبية .
والله من رأيي المتواضع ان النترا احسن من الكوبية لانها عائلية اكتر
ومقارنة بقوة السيارت الكوبية اللي مع حضرتك 1600 سي سي 124 حصان اما الالنترا 1600 سي سي 130 حصان والاتزان احسن وغير كل ده قطع غيار السيارة في كل مكان وارخص من الكيا والاهم ان بيع السيارة اسهل بكتييييييييييير من اي عربية تانيه سعر السيارة النترا 2012 اول فئة اوتوماتيك 124000 جنيه شكرا واتمني اكون افادتك |
| الساعة الآن 03:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017