مصر موتورز مجتمع السيارات - مساعدة ضرورية فى شراء تاكسى اجرة بعد اذنكم؟؟؟

مصر موتورز مجتمع السيارات (https://www.masrmotors.com/vb/index.php)

- السيارات التجارية (https://www.masrmotors.com/vb/forumdisplay.php?f=215)

- - مساعدة ضرورية فى شراء تاكسى اجرة بعد اذنكم؟؟؟ (https://www.masrmotors.com/vb/showthread.php?t=90288)

مساعدة ضرورية فى شراء تاكسى اجرة بعد اذنكم؟؟؟

السلام عليكم ورحمة الله

دى اول مشاركة ليا على المنتدى
ارجوكم تفيدونى

اولا اعرفكم بنفسى انا اسلام من المنصورة مسعف فى اسعاف المنصورة وانا حاليا فى السعودية للعمل وهدفى من السفر اولا اتجوز لكن انا هسكن فى ايجار لان انا معنديش شقة انا فكرت كتير لاقيت انى لازم اعمل مشروع لو هتجوز فى ايجار يساعدنى فى هم الايجار والمعيشة وخلافة فكرت كتير لاقيت اللى يناسبنى مشروع التاكسى وخصوصا انى بسوق ومعاية رخصة تالتة انا محتاج من حضارتكم بع اذنكم تفيدونى بجد عن المشروع دة يعنى تكلفتة كام من حيث افضل انواع السيارات فى التاكسى والنمر بكام والعداد ومصاريف التاكسى كل شهر من صيانة وزيت وكدة مع العلم انى انا اللى هشتغل علية بس يوم ويوم لانى هكون فى شغل الاسعاف انا بجد محتاج اللى يوفرلى معلومات كافية عن الموضوع دة وخصوصا فى مدينة المنصورة واية رايكم بالمشروع دة وعاوز اعرف كمان فية قسط بمشتملات التاكسى كلها ولا لازم اجيب نمر وعداد واشترى تاكسى ابيض واية الشركات اللى ممكن تطلع قسط وتكون كويسة ومعتدلة فى اسعارها

شكراا جدا ليكم

رد: مساعدة ضرورية فى شراء تاكسى اجرة بعد اذنكم؟؟؟

اية يارجالة 26 واحد دخل ومفيش رد دة احنا عاوزين الافادة مش اكتر

رد: مساعدة ضرورية فى شراء تاكسى اجرة بعد اذنكم؟؟؟

وعليكم السلام ورحمة ا لله
ربنا يوفقك ويوسعها عليك وعلينا جميعا يارب

شوف يا سيدي
النمر عندك دلوقتى فى المنصورة ب 96 الف
وتجيب انت اى عربيهع انت عاوزها
مثلا الفيرنا ب 70 الف
وعندك انواع كتير حسب رغبتك بس طبعا فى السعر اعلى
ممكن تجيب النمر لوحدها والعربيه لوحدها و تجهزها انت على ايديك وتوفر حوالى 5 الاف ج
بس بصراحه معرفش بتكون سالكه فى المرور ولالا

المعارض بتاخد 172 الف كاش جاهره ع المفتاح
ولو هتقسط هتدفع 120 الف مقدم و1500 كل شهر على 45 شهر

معرض الاستاذ -- خلف المعسكر بالمجزر
احمد المهدى -- عزبة الشال
الجنيدي -- ش قناة السويس
حمدى صادق -- ش النخله

وربنا يوفقك ويعينك :GROWIN~12:
واللهم امين اجمعين

رد: مساعدة ضرورية فى شراء تاكسى اجرة بعد اذنكم؟؟؟

النمر في القاهرة 35 الف .. بس اليومين دول انت بتطلع تشتغل والله اعلم راجع ولا مش راجع :shyy:

رد: مساعدة ضرورية فى شراء تاكسى اجرة بعد اذنكم؟؟؟

اقتباس:

المشاركة الأصلية كتبت بواسطة GINERAL (المشاركة 740877)

النمر في القاهرة 35 الف .. بس اليومين دول انت بتطلع تشتغل والله اعلم راجع ولا مش راجع :shyy:

يا حفيظ يارب
اللهم احفظنا بحفظك اللهم قنا شر مصارع السوء
وهيئ لنا من امرنا رشداً
بشروا ولا تنفروا
والى الاخ صاحب الموضوع استخير ربنا سبحانه وتعالى قبل اقدامك على اى شئ