الغيارت واستخدامها .. ايه هي حدود السرعة
 

انا لسه متعلم جديد و هقولكم على المعلومات اللي عندي بالنسبة للموضوع ده

1- الغيار الاول 100% قوة دفع لكن 0% سرعة

- ده بنحتاجة في الطلعة عشان انقل العربية من حالةالسكون للحركة و بنمشي بيه يدوب 10 متر و طالما العربية لتحركت بنقل على التاني عشان لان الاولاني تقيل على المتور و ما ينفعش امشي بيه الا لو الطريق واقف خالص و كل شوية هقف يعني مثلا ممكن اخلي العربية مستمرة على الاول لو انا في طابور بنزين مثلا

2- الغيار الثاني ده 75% قوة دفع و 25 % سرعة

- ده بنحتاجه لما بتبقى العربية هادية خالص و محتاجة قوة دفع بس مش واقفة خالص زي :

- بعد المطبات بس انا باخده و انا بهدي قبل الطب بالمرة و اهو ابقى جاهز برضه

- عند الملفات الا لو وقفت و استنيت حد يعدي ساعتها باخد الاولاني

- ممكن بمشي على التاني في طريق زحمة و ناس عمالة تعدي وكده بس ساعتها ببقى ماشي من غير م ادوس بنزين خالص او بديها تشعيرة كل فترة لان لو اديتها بنزين صوت العربية بيعلى و ببقى عايز انفلها على التالث و ممكن تسخن كمان

- احيانا في مطلع لو محتاج او العربية مش سريعة و كانت هادية قبل ما احخل عليه



3- الغيار الثالث 50 % قوة دفع و 50% سرعة :

ده الغيار العام اللي اغلب الوقت المشي بيبقى عليه لما بتبقى العربية ماشية عادي او سريع شوية و العربية بتحبه و بيبقى الصوت واطي و مستريحة و انا كمان بحبه و غالبا بنقل عليه بسرعة و ببتدي بيه عادي من اول مالعربية تجيب 20 او قبل كده كمان و بيشتغل عادي لحد 60 و 80 و صوت العربية لسه واطي

انا اكتر حاجة جبتها يمكن 100 و جبت عليها الرابع و الخامس من غير ما صوت المتور يعلى لاني كنت عايز اجرب ايدي و بعده قابلني مطب روحت مهدي و جبت التاني علطول

الغيارين الرابع و الخامس معلوماتي عنهم قليلة و تقريبا دول بتوع الطرق السريعة مش جوه البلد

المدرب الل بيعلمني مش بيعترف باي علاقة بين السرعة و الغيار و مش راضي يديني عقاد نافع فيها
ولما بقوله و انا بهدي بيقولي شوق انت محتاج قوة دفع اد ايه

انا بنقل للغيار الاعلى مع صوت المتور لكن عايز اعرف حدود سرعة الغيارات عشان و انا نازل و انا بهدي يعني خصوصا من الخامس للرابع او للثالث كده

رد: الغيارت واستخدامها .. ايه هي حدود السرعة
 

رد: الغيارت واستخدامها .. ايه هي حدود السرعة
 

حكاية حدود السرعات تعتمد على نوع السيارة يعني ممكن تلاقي عربية الاول حدوده عند ال30 كم /س مثلا وعربية تانية عند 20 كم/س نقل الغيار بيعتمد بشكل اساسي على عداد لفات المحرك يعني انت لازم تدي العربية الغيار الاعلى عند 2.5 او 3 على عداد لفات المحرك لو عربية حضرتك مفيهاش عداد لفات المحرك تبقى تدي الغيار الاعلى لما صوت العربية يبدا يعلى
اما بالنسبة لنقل العربية من غيار عالي لغيار منخفض دا بيسموه الغيار العكسي وانت بتعمل الغيار العكسي لما تحس ان العربية تقيلة في الطلعة يعني لما تكون ماشي على التالت وهديت السرعة خالص وطلعت تاني هتحس ان العربية تقيلة ومش بتسحب فساعتها تدي التاني وتطلع
واي سؤال انا تحت امرك :GROWIN~12::GROWIN~12:

رد: الغيارت واستخدامها .. ايه هي حدود السرعة
 

ربنا يبارك لصاحب الموضوع عشان ماستخترش في اخواته معلومات و الضيوف ماقصروش

رد: الغيارت واستخدامها .. ايه هي حدود السرعة
 

:THUMBS~220::THUMBS~220:: THUMBS~220: