|
الميكانيكى حط زيت فى بوابه الثروتل
رحت اعمل صيانه فى التوكيل فالميكانيكى هناك حط زيت فى بوابه الثروتل و قالى ده بيزيت الصبابات فهل الكلام ده صح و لا غلط و مفيد للموتور و لا لا مع العلم انى العربيه اسبرانزا ايه 516 ياريت الافاده علشان انا تعبت من الميكانيكيه
|
رد: الميكانيكى حط زيت فى بوابه الثروتل
هو فعلآ بيزيت الصباب لكن بيوظ حاجات تاني .. زي البوجيها و بيعمل طبقه علي راس البستم و الصباب .. و بيخلي العربيه تدخن ابيض من الشكمان و لو الزيت اللي حاطه كتير بيوظ الحشو بتاع الشكمان و بيخلي ريحة الحريق وحشه علي اي حال هو خلاص حط زيت .. حاول تمشي بالعربيه كتير عشان تحرقه و بعد كم يوم بص علي الشكمان و شوفه بيطلع دخان سالك و الا مكتوم عشان تطمن و خلي بالك من السخنيه لانها هي اللي هتبين معاك و يفضل تغير البوجيهات بعد يومين كده عشان اللي فيها مش هيشتغلو كويس
|
رد: الميكانيكى حط زيت فى بوابه الثروتل
لو كان حط للبوابه شوية زيت صغيرين
فمفيش مشاكل طالما الوضع العام لحريق المكنه حاليا تمام |
رد: الميكانيكى حط زيت فى بوابه الثروتل
والله يا اخي الي هوا عملو دة انا اول مرة اسمع عنة :pty:
انت عندك تبخير زيت داخل البوابة من خرطوم الفايظ عامتا حاول تتاقلم ولو في جديد احنا في انتظارك |
رد: الميكانيكى حط زيت فى بوابه الثروتل
الزيت مهم جدااا لبوابة الثروتل لانه بيزيت الصبابات لكن انه يحط يجى نص غطا زيت مش مشكله لكن مش اكتر لانه كدا هيعمل طبقة سميكه من الجلح على البساتم وبيقلل من اداء الحريق فى العربيه وكمان بيعمل طبقة على الصبابات وغير انه بيسود البوجيهات وبيغير ريحة حريق العربيه يعنى هتحس اول يومين ريحة زيت محرووق وحاجات مقرفه كدا متركزش معاها وبعد اليومين هينظبط الاداء تانى ومتقلش الا اذا كان زود زيت بغباء
|
| الساعة الآن 08:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017