|
دمي محروق بعد سرقة العلامة :(( ياريت نصايحكوا
لسلام عليكم
رحت اصلي الجمعة في امان الله وركنت العربية وبعد الصلاة طلعت ملقتش العلامة اللي قدام واللي ورا للاسف الشديد :crying: مش عارف اقول ربنا يسامح اللي عمل كده ولا اقول ربنا ينتقم منا ... المهم اهو اللي حصل حصل والحمد لله علي كل حال العربية الوقتي بصراحه شكلها مشوه من ورا ومن قدام ... وسعر العلامة في التوكيل حوالي 300 ج !! طبعا انا مش اهبل عشان اشتري علامة جديدة ... عايز اعرف مفيش حل اداري بيه الشكل بتاع العربية ؟ ياريت تدوني حلول عملية لاني بجد حزين قوي :(( |
رد: دمي محروق بعد سرقة العلامة :(( ياريت نصايحكوا
ربنا يعوض عليك بس حاول تغطي العربيه او تحطها في جراج اما بالنسبه للعلامه انزل اي محل اكسسوار فالحرفيين وهات العلامه من هناك ب 15-25 جنيه سيبك من التوكيل والكلام الفاضي ده دي سرقه علني اي نعم هما التقليد مش حيبقوا زي الاصلي لاكن برضه احسن من مافيش :fun_36_1_39[1]::fun_36_1_39[1]: |
رد: دمي محروق بعد سرقة العلامة :(( ياريت نصايحكوا
السلام عليكم اشتري العلامه من محل اكسسوار كما قال الزميل بس فيه على ما أظن علامات لزق وعلامات بتتثبت بمسامير او برشام بتكون احسن من اللزق علشان ما تتسرقش مره ثانيه والله المستعان |
رد: دمي محروق بعد سرقة العلامة :(( ياريت نصايحكوا
انا زيك بردو واحد ابن حرام سرق العلامه الخلفيه وكلمة لوجان ورينو العربيه بقيت كانها عريانه من واره ربنا ينتقم منه بس انا مجبتش غيرهم علشان ممكن يتسرقوا تانى وانا مش هصرف على الحرامى بقى :(
|
رد: دمي محروق بعد سرقة العلامة :(( ياريت نصايحكوا
شكرا يا جماعة علي الردود
بالنسبة لتغطية العربية انا فعلا بغطيها باليل لكن هتبقي صعب داخل اصلي الجمعه هغطيها قبل ما ادخل يلا بقي هنعمل ايه حسبنا الله ونعم الوكيل انا بس عايز اتاكد هل فيه علامات تقليد رينو موجوده في محلات الاكسسوار ؟؟؟ انا ليا زميلي اتسرق منه العلامة عربيته فلونس وقالي انه ملقاش تقليد والمتوفر بس الاصلي وفي التوكيل ... ياريت حد يأكدلي المعلومة دي |
| الساعة الآن 05:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017