رينو اسكالا والا نيسان صني..اتمني الافادة
 

السلام عليكم و رحمة الله وبركاته
ديه اول مشاركة لي معاكم في المنتدي هنا واتمني ترحبوا بي :fun_36_3_4[1]:

لو سمحتم عندي استفسار..
بالنسبة للرينو اسكالا و النيسان صني
انا عاوز اعرف رايكم ايهما افضل
من حيث الصيانة...الاستعمال...الم ميزات ...العيوب...قطع الغيار...خدمة ما بعد البيع....

وهل فيه بديل افضل لهم الاتنين بنفس حدود السعر حوالي 90 او 95 الف...يعني هل فيه حاجة غيرهم ترشحوا لي في الحدود ديه وتبقي برضه عائلية وفخمة و واسعة ومتينة و شيك وكل ده....
جزاكم الله خيرا..
وفي انتظار الافادة جعل الله افادتكم في ميزان حسناتكم جميعا

رد: رينو اسكالا والا نيسان صني..اتمني الافادة
 

اهلا بيك اعتقد سكالا افضل فى التقفيل
الشكل
عن الصنى بس بعد كده كل حاجه زى بعضها

رد: رينو اسكالا والا نيسان صني..اتمني الافادة
 

نصيحة منى ابعد عن الصنى الزبالة دى عربية متخلفة كلها عيوب
فى الحدود دى هات اكسنت اربى ممتازة

رد: رينو اسكالا والا نيسان صني..اتمني الافادة
 

انا شايف ف المبلغ ده تجيب اوبترا عربيه واسعه جدااا ممكن يركب ورا 3 مليانين او 4 رفيعين و عاليه عن الارض ما بتحكش ف اي مطبات خااالص لان من طلباتك تكون العربيه عائليه اعتقد الاكسنت ار بي لو ركب فيها اتنين رفيعين ورا هتسمع مزيكه حسب الله عند كل مطب وفوق ده كله العربيه ثابته جداااا تجيب بيها 140 و 160 وكل ما تسرع تثبت اكتر ودي معادله صعبه ان عربيه تبقي عاليه و فنفس الوقت ثابته وقطع غيارها ببلاش وعند البقالين كل اللي يعيبها ان الشكل بقاله فتره ما اتغيرش بس ده بيدي العربيه سعر اعاده بيع ممتاز وف نفس الوقت اسعار قطع الغيار ببلاش علي فكره انا كنت فكرت من فتره اشتري عربيه جديده وقارنت بين الاكسنت ار بي وبين الاوبترا وركبت الاتنين واعجبت جدا بالاوبترا وما حستش ان فيه فرق من جوه ف التقفيل يمكن شكل التابلوه ف الاكسنت ار بي افضل لكن خاماته مش حلو بلاستيك من ابو 3 جنيه فقلت خليني ف الاوبترا لسبب ان صاحب المعرض سالته علي قطع الغيار قالي الاوبترا قطع غيارها ارخص بمراااااااااااااحل فانوس الاوبترا استيراد يعني الاصلي اللي بيجي ف العربيه لو قال انا فانوس هيبقي ب 400 جنيه لكن الاكسنت ار بي فانوسها الجديد ممكن يوصل ل 2000 جنيه لان طبعا انت مجبر عليه مفيش منه استيراد العربيه لسه جديده فقلت لنفسي يا سلام قطع غيار الموتور والعفشه مش هاحتاجها قبل 3 سنين لكن حكايه فانوس واكصدام العربيه بتبقي واقفه وتلاقي واحد مريح عليهها وكسر لك فانوس وشرخ اكصدام فاستقريت ع الاوبترا ده كله قبل ما اتراجع وقلت استني موديلات 2013 كلها شهرين وتنزل ......... اسف ع الاطاله

رد: رينو اسكالا والا نيسان صني..اتمني الافادة
 

انا متشكر جدا على الرد والافادة بس والله لو ممكن وبدون اى تكليف ممكن تقولى رايك فى الغربية سكالا لان فية ناس كتير بترشحة وبيقلولى انها ممتاذه بس المشكلة الى فيها سعر البيع بس انا عاوز عربية اركبها انا واولادى عيلة ولكون واسعة ومريحه وجامدة تتحمل طرق مصر زاى مانته عارف وكمان انا شوفت مواصفات الاوبترا واعتقد انها اقل فى المواصفات من الاسكالاوكمان اغلى منها وقطع الغيار متقاربة فى السعر...................و غلى العموم متشكر لرد حضرتك:w6w2005041113562663