ماخاب من استشار
 

السلام عليكم ورحمة الله وبركاته



الاخوة الافاضل اعضاء المنتدي


ياريت حد يفيدني في الموضوع ده


انا كنت عاوز اشتري عربية في حدود 30 الف جنيه

والكل نصحني اني اشتري جديد افضل

لان المستعمل بيحتاج لمصاريف جامدة

المهم فكرت في اني اشتري التو سوزوكي بالقسط

قلت ادفع النص والنص تقسيط

المهم لقيت ناس تالنية بتئولي دي عربية ضعيفة اوووي

ناس تانية رجحو ليا عربية اسكودا فلشبا موديل 97

بيئولو انها استعمال طبيب بس الراجل راششها من براا للنضافة فقط

وكمان مغير الموتور كله جديد بالكرتونة من التوكيل

المهم صاحبها طالب فيه 35 الف جنيه مع العلم انها غير مكيفة

وهيا الماني وطبعا انا بحثت علي النت علي الاسعار لان معنديش خبرة في العربيات اووي

لقيت ان موديل السنة دي 97 بيتراوح مابين 28 و30 الف جنيه

الراجل اللي رجحلي العربية بيئولي انه ممكن اووي يوصلها ل32 الف جنيه

انا بصراحة مش عارف اشتري ايه واصبحت محتار وفي دوامة

هل اشتري التوو جديد زيرو ولا اسكودا فليشيا 97 ولا ايه

ياريت ياجماعة تشورو عليا

بارك الله فيكم وجزاكم كل خير

رد: ماخاب من استشار
 

اربع عجلات و تكييف

افضل من الفيلشيا المستعملة اللي متسقط فيها موتور

و ده رأيي الشخصي

رد: ماخاب من استشار
 

لو اول مرة تسوق هات عربية مستعملة تتعلم فيها ولو بتسوق من زمان هات عربية زيرو والزيرو انظف طبعا بس لو بتسافر كتير مش هينفع معاك الالتو هات اسبرانزا ولو عايز مستعمل الفليشيا سعرها من 25000 ال 28000 حسب الحالة وابقي قولي عملت اية

رد: ماخاب من استشار
 

لو اول عربية هات فليشيا 98 اللي هي وش اوكتافيا عربية حلوة و متجربه و معروفه و حاجتها مش غالية انما لو استخدامك بسيط و عايز حاجة موفرة في البنزين و جديده برضه هات الالتو

رد: ماخاب من استشار
 

وده رأيى لأن مشكله العربية انها راشه ومسقطه متور