باركولي اشتريت ابيزا 2001 بس الحلو مايكملش
 

انا الحمد لله اشتاريت ابيزا 2001 العربيه حالتها ممتازه من ناحيه الشكل الخارجي و الداخلي بس فيها كام مشكله
1-العربيه بتشرق كتير اوي يعني لو بطلت مني و اجي ادورها مش بتدور بسهوله
2-اول ما اطلع بالعربيه بحس برجه جامده في العربيه بس لو دوست بنزين شويه بتروح
3-مفهاش تكييف كنت عايز اعرف اسعاره و هاحتاج اشتري ايه
4-نفسي ف جير اوتوماتيك لو حد يعرف اسعار المواتير ايه يبقي الف شكر

رد: باركولي اشتريت ابيزا 2001 بس الحلو مايكملش
 

اولا الف مبروك على العربية
بخصوص عدم ادارة السيارة بسهولة . غير طقم كهرباء عند الميكانيكى
اما بخصوص التكييف فبيكون فى حدود 2000 الى 2500 جم جديد يابانى . بس للامانة مافيش حد ركب تكييف فى عربيتة وكان زى الفبريكة
اما تحويل السيارة الى اتوماتيك فمانسحكش ابدا . والموضوع مش مجرد تغيير متور وفتيس وخلاص بقت اتوماتيك لازم تغير الردرياتير كمان علشان زيت الهيدرولك بيدخل على دورة التبريد
ولازم يكون ميكانيكى فاهم كويس قوى لان ممكن يكون فردة الشاسية فى الاتوماتيك مختلفة ( فى الغالب الفردة اليمين بتكون اعلى بحوالى 4 سم ) وبتالى لازم تعدل وتعمل وصلة
بصراحة انا مش فاهم كنت حطيت على ثمن العربية ثمن المتور و التكييف و جبتها اتوماتيك ومكيفة من الاول ؟؟؟؟؟؟؟؟؟؟؟؟
نصيحة اركب العربية شوية وبيعها وهات حاجة اتوماتك ومكيفة
وتقبل مرورى

رد: باركولي اشتريت ابيزا 2001 بس الحلو مايكملش
 

رد: باركولي اشتريت ابيزا 2001 بس الحلو مايكملش
 

مبروك يا باشا على العربية, وربنا يباركلك فيها
قبل ما ابدأ كلامي عشان متضاسقش 98% من الناس اللي بتشتري مستعمل في مصر لازم تلاقي العربية فيها حبة حاجات البائع خباها عنك وأنت وشطرتك في الكشف عن العربية , وده لان مسألة الاخلاق والضمير في مصر حدث ولا حرج, فتكون مستعد إنك تصرف حبة فلوس في الأول ولو لقيت العربية محتاجة حاجات كتير بيعها احسن عشان مترهققش مادياً حتى لو بخسارة كبيرة عشان اعصابك وراحة النفسية.
نيجي بقى لموضوع العربية بتاعتك
موضوع الرجرجة ده في الطلعة يبقى في الغالب هتغير طقم دبرياش وده في حدود 750 جنيه من اولاد فتح الباب
وموضوع الشرقة دي انصحك تعمل سيرفيس العربية الأول ( فلاتر وبوجيهات ) وياريت تشتريهم من التوكيل لاني جبتهم من التوكيل بنفس سعر بره وتشوف النتيجة ايه لو استمرت معاك يبقى لازم تروح لميكانيكي بيفهم وده حسب المنطقة اللي انت ساكن فيها والتوفيق إن شاء الله

رد: باركولي اشتريت ابيزا 2001 بس الحلو مايكملش
 

الف شكر يا رجاله والله مش عارف اشكركم ازاي:clapW15: