برجاء الحذر أثناء السفر عبر طريق نويبع لعدة أسباب:

أولا: الطريق ضيق جدا وإتجاهين جنب بعض.

ثانيا: ملياااااااان حفر، وقبل كده كنت جاي من ميناء نويبع للقاهرة وشوفت حادثه في حفرة من الحفر دي سيارة مرسيدس كانت محملة حاجات فوق الشبكة أعلى سقف السيارة، وخبطت في حفرة من الحفر فطارت الشبكة، ووراها عربية بيجو 7 راكب نزلت في نفس الحفرة والمقص بتاعها اتكسر، والظريف في الموضوع إن بوكس النجده جه بس ايه بقى واقف على الناحيه التانية من الطريق وطافي السرينة (طبعا الكلام ده كان بليل) ولا كأنه عايز يحذر الناس ولا كأنه جاي علشان الحادثه دي أصلا.

ثالثا: الكثبان الرملية اللي بتكون على جانبي الطريق، بتقفل حاره كاملة أحيانا!

رابعا: السيول في فصل الشتاء، وهنا الشرطة تقوم بإغلاق الطريق وتحويل خط السير إلى طريق طابا (وهو طريق أطول نسبيا، وكله منحنيات وملفات)

خامسا: الضباب (الشبوره) وده طبعا على كل الطرق يجب أن نحذر منه.

سادسا: ياريت برضه اللي عايز يفول العربيه محطته الأولى/ يفولها إما من الوطنيه اللي في الميدان قبل النفق، أو من التعاون عند اللفة بعد النفق.
ومحطته التانيه/ محطة البنزين في قرية نخل.

وفوق كل ده كنت جاي بعربيه جديده من السعوديه وحبيت أختبرها وسوقت على 200 كم/س على الطريق ده (هو حلو لإختبار إستابيليتي السيارات) هههههههههههه

ربنا يسترها بجد .. ونوصل دائما آمنين