استشاره عاجله...35000 يجيبو ايه
 

السلام عليكم ورحمه الله
كل عام وحضراتكم بخير..........انا سمعت كتير عن المنتدي وكنت عاوزه حضراتكم في استشاره
انا معايا 35000 جنيه مبلغ نهائي مش هاقدر ازود حاجه ولا هاينفع ااقسط في الفتره الحاليه عاوزه عربيه تكون كويسه بالسعر ده بس عاوزاها موديل جديد يعني 2000 وفي ما فوق وتكون واسعه لان بيبقي في الاغلب معاايا عربيه طفل وكرسي طفل وطلبات يعني انا هحتاجها في مشوار يومي من عين شمس -للمهندسين وبعد فتره
هانقل ان شاء الله هايبقي من حدايق اكتوبر للمهندسين ومعايا طفل
ايه افضل حاجه ممكن اجيبها بالمبلغ ده
1- كيا برايد سيدان
2- فيات سيينا
3- رينو كليو
4- سوزوكي التو
5- سوزوكي سويفت
6- شيفروليه سبارك
سؤال كمان بعد اذن حضراتكم انا تبع مرور السلام وسمعت انه سيء للغايه واستحاله انجح من غير مادفع ومدربه السواقه بتاعتي عرضت عليا ادفع 800 جنيه واتصور وخلاص بس انا مستحرمه جداااااااااا وفعلا كذا حد من صحباتي راحو وسقطو فهل في اي حل تاني غير الدفع
جزاكم الله كل خير

رد: استشاره عاجله...35000 يجيبو ايه
 

استاذه رولا افضل اختيار الفيات السيننا ده اولا
ثانيا مرور السلام دلوقتى حاجه تانيه يعنى بتعرفى تسوقى هتنجحى مبتعرفيش مش هتنجحى انتى طالما بتعرفى تسوقى خلى عندك ثقه ف نفسك وتوكلى ع الله وروحى طلعيها بمجهودك بس ابقى احفظى الاشارات كويس وان شاء الله هتخدى الرخصه من اول تجربه

تقبلى تحياتى

رد: استشاره عاجله...35000 يجيبو ايه
 

طيب بما انها استشاره عاجله بصى ياستى


هو انهارده كان الجمعه وكنت هاقولك انزل انهارده بس انهارده خلص

مبدائيا 35000 مش قليلين بالعكس حلوين جداا

هفتحك مجال الاختيار ف عربيات اكتر من الى ف دماغك
1 - هيونداى اكسنت مو 2000-99
2- سيات ابيزا مو 2000- 99
3- هيونداى فيرنا مو 2003
4- تويوتا مو 98 بس هاتبقى حالتها وحشه شويه وممكن هايتصرف بتاع 2000 تانى عليها بس مش على طول يعنى بعد فتره
5- الرينو بجميع فئاته حلو وخصوصا كليو بس الى هاتجبيها بالسعر ده هاتبقى راشه بره نضافه او رشه خبطات خفيفه بس الفكره انها فى بيعها مره تانيه مش هاتجيب حاجه وده عيبها

6- دايو جوليت
7 - دايو لانوس مو 99
8- هيونداى اكسل مو 96 او 97
9 - بروتون ساجا او واجا مو2000 او اكتر كمان وديه عربيات ماليزى وبما انك سيده فاكيد مش هاتجرى خصوصا ان ف طفل صغير البروتون عيبها الوحيد انها خفيفه يعنى تمشى بيها اخرك 120 و120 الاخر فعلا مش لانك لو زودتى ربنا يستر بس هى حلوه


نظرا للمشوار الكبير الى انتى هاتخبطيه كل يوم ده بلاش الكيا برايد خالص ولا السوزوكى لا ماروتى ولا ماروكو ولا الكلام الغريب ده العربيات ديه الواحد بيجيبها زيرو ب36000 وبتسخن فبلاش
ممكن وياربت تقع ف ايدك حاجه منها الكيا بيكانتو مو 2005 او 04 بس دورى اكتر



ده موضوع العربيه
ولو هاتنزلى يبقى انزلى سوق الجعمه الجايه وخدى ميكانيكى معاكى او اى حد فاهم ف العربيات

موضوع الرخصه بقى هو السلام ده مرور زباله وكله عارف كده بس 800 جنيه ده نصب مش رشوه
او رشوه ونصب مع بعض


لو مكتب هايعلم وهايطلع رخصه اخره اوى تدفعيله 500 جنيه ده لو مكنش اقل انا كنت شغال مدرب سواقه وعارف الاسعار ديه والاحسن من موضوع المكاتب ده انك تروحى لمدرسه القياده الى تبع المرور ديه بتعلم وبتطلع الرخصه ب350 جنيه او 400
والاحسن والاحسن انك تتعلمى لوحدك وتخشى بقلب ميت اصلك حتى لو صقتى مش هاينفوكى بره البلد هو اخرك هايقولك تعالى بعد شهر خدى الكلمه واخرجى سوقى عادى واتعلميلك شويه وارجعى بعد شهر ده مش حوار وكل حوارات الرخص ده على بعضها 60 جنيه تمن الورق وانا مبحبش حد يدفع فيها فلوس عشان لما تخديها تقولى ختها بمجهودى مش بالكوسه

بس ياستى وانا تحت امرك ف اى استفسار اخر



والله الموفق

رد: استشاره عاجله...35000 يجيبو ايه
 

رأي افضل سياره تجيبيها ستروين اكسارا 1 او 2 الاتنين ممتازين و ان كنت بفضل 2 لأني مجرباها
ادخلي على منتدى الستروين حتعرفي كل حاجه
قبل ما اجربها كتير خوفوني و كأنها كارسه مش عربيه لكن المنتدى نصحوني بيها و فعلآ جبتها من سنتين و الحمد لله سياره ممتازه بكل المقايس
بعد ما جربت حتى لما احب اغيرها برده حجيب ستروين لكن حعلى الموديل
للعلم انا من سكان 6 اكتوبر و شغلي في الزيتون يعني بستعملها كتير و بسافر بيها
ربنا يوفئك للخير

رد: استشاره عاجله...35000 يجيبو ايه
 

سيات ابيزا افضل واشيك من الموديلات اللى حضرتك عارضاهم :funny25::funny25: