سمكرة عتبة العربية
 

انا عندى عربية فورد فوكس
للاسف اتخبطت من جمب عند عتبة العربية حصل فيها خدوش بسيطة بس للاسف الصاج دخل لجوة وغير كدة انا واخدها من صاحبها فيها برضو خبطة من الصاج الناحية التانية وداخلة لجوة برضو
ياريت اللى يعرف حد بيعرف فى سمكرة العتبة وياريت يكون فى المنصورة

تانى حاجة كنت عاوز استشيركم فى حاجة العربية فيها بعض الخدوش البسيطة تنصحونى بأية ؟
فية ناس بتقول سبراى دهان وفية ناس بتقول حاجات غريبة كدة زى التنر وكلام انا مش فاهمة وناس بتقول روح لواحد بوهيجى ياريت اللى لية تجربة مع الرش يقولى
وشكرا
شكر وتقدير

رد: سمكرة عتبة العربية
 

انت جيت فى الجون نفس المشكلة واحد صاحبى خد يجرشها خبط العتبة فى الرصيف والعتية دخلت جوا سالت قالك لازم تتقطع وتسمكر وتستعدل وبعدين تترش
بالنسبة للخدوش بتتعمل بالصاروخ بكمبون وبولش ب100 فى المنصورة العربية كلها وتطلع تمام
:GROWIN~12:

رد: سمكرة عتبة العربية
 

مشكور يا استاذ رضا على الرد
بس سؤال بسيط هو القطع والسمكرة والحاجات دى كلها بكام ؟
واية الصاروخ والكمبون دة ؟؟؟ :36_1_1[1]:

رد: سمكرة عتبة العربية
 

لاة يا عم مفيش الكلام دا خالص ولا قطع ولا غيرة كل اللى هيحصل هيلحم كامة نحاس ويشد ويخرج الصاج مكانة وهكذا لحد ما يلم العتبة ولا هيعمل اى حاجة تانى ارجوك بلاش تفرو العتبة زى ما كتير بيعمل اعمل اللى قلتلك علية وانا الحمد لله ان شاء الله متاكد من اللى بقولة وعندى سمكرى يخلصها كلها فى ساعة واحدة انا من السويس لو انت من هنا بس صدقنى اوعى تفور وتلحم والكلام دا كل الحكاية تانى هيلحم كامة زى حدوة نحاس ويشد بالجنزير عليها ويضرب الشاكوش فى الجنزير ويرد الصاج بالطريقة دى ورش وشكرا بالنسبة للخدوش بلاش تعملها الا لو باينة اوى لانى لو رشيت خربوش خربوش باظت العربية وهتبقى مرقعة كل الخرابيش لون والعربية لون تانى خالص مش هتشوف الفرق الا بعدها بيومين كدة
اى استفسار عشان انا مبكنش على النت الا قليل لظروف الحريق اللى فى الشركة اتصل لو عايز اى استفسار
01223907706

رد: سمكرة عتبة العربية
 

مشكور يا استاذ memodina
بس انا للاسف من المنصورة بس كنت عاوز اسئل حضرتك وكل الاعضاء فية جهاز حلو اوى وسمعت انو موجود هنا فى مصر بيرد الخبطات
ياريت اى حد يعرف بيتباع فين خصوصا فى المنصورة ياريت تقولولى
والجهاز اهو
http://www.youtube.com/watch?v=tlQ18...layer_embedded