مصر موتورز مجتمع السيارات - تجربتي مع التيجو لمدة 6 شهور

ندخل في الكلام اللي عايزين تعرفوه على طول
- الصالون مش فخم اوي بس انا كنت مبسوط منها لاني كنت باستخدمها في الشغل و كان بيركب معايا ناس من الشغل فمكنتش بخف عليها اوي و المفاجأه انها بتستحمل الهرس
- كنت بشيل فيها براميل و كراتين وصلت الحمولة في احد النقلات ل 600 كيلو جرام و شيلتهم من العاشر لقويسنا و بصراحة العربية كانت فرس
- خبطتني سيارة الترامكو و طلعتني فوق الرصيف على المحور امام هيبر وان و محصلش فيها الا ان المقص الخلفي اتعوج و عدلتة عند الحداد بس فردة الكاوتش طبعا فرقعت فجبت واحدة تانية بس تمنها غالي
- استهلاك الوقود مع التسارع و اداءها مع التكييف معقولة و مناسبة
- مبتسخنش صوت موتورها بالنسبة لمثليتها عادي
- فيها عيوب خايبة بسبب خامات البلاستيك بس تتعالج .. فرشها وحش بس ممكن تظبطة
- الابواب بتقفل بالرزع بس معظم السيارات دي المفروض تبقى خشنة
- صاج متين متييييين و تمام اوي اوي
- بتاخد 5 كيلو زيت مع الفلتر فمصرفها كدا زيادة بس انا كنت بحط فيها زيت مصر للبترول سوبر الذهبي 10000 كان زي الفل ومشيت 60000 و كانت المكنة عال العال
- الغيارت خشنة بس مش زي الشاهين و ال لادا .... الغيار التاني لما تمشي علية تلاقي العربية بتزور او بترجرج و تلت ... بس دا في كل العربيات .... و التوكيل قالولي النوع دا من العربيات لازم تقرص على الغيار الاولاني .... و لما عملت كدا ... التاني بقى معقول ... بس لما تمشي في الزحمة و المطبات تتخنق منها
- اقصى سرعة 160 كم و بالعافية
- الوان العدادات مع السارة و فرشها مش حلوة خالص
- زجاجها مش حلو بس لايق على باقى الجودة الموجودة
- مشكلة ان الموتور او الفتيس بيتشرخ مع الخبطات الجامدة دي مشكلة لازم نتابعها
- الكاوتش يتاكل بسرعة بس لو ركبت كاوتش ارفع هتبقى تحفة كنترول و تسارع
- الاصوات داخل السيارة مش حلو بسبب الكرسيين اللي ورا لازم يتظبطوا كل شوية علشان متسمعش تزييق
- طبعا عالية و مرتاح و انت ماشي من الناس اللي غاوية حك لان محدش هيعرف يوصلك
- لو عندك اطفال اشقياء ستكون السيارة لك ممتعة
المجـــــــــــــــــمل
بالنسبة للاجواء المصرية الحالية لو تقدر تركبها 2000 و اوتوماتيك هترتاح كتير
لان زوايا الرؤيا فيها روعة و هي عالية و تخوف التاكسيات منك و انت ماشي