المشاركة الأصلية كتبت بواسطة ams79 (المشاركة 649781)

بعد التحية لشباب بروتون
انا نويت ان شاء الله علي البيرسونا و كنت محتاج النصيحة منكم افضل مكان اشتريها كاش من فين و ايه هى الحاجات اللى لازم اخد بالى منها وانا بستلم اشيك عليها, اصل دى اول عربية و الف شكر مقدما للجميع
اخوكم احمد

المشاركة الأصلية كتبت بواسطة tamer Osman (المشاركة 604987)

بالنسبة للاستلام :
اتاكد ان الحاجات دى مع العربية
1- طبات الجنوط ( غطاء راكب فى نص الجنط)
2- الاريال
3- كتاب الضمان
4- كتلوج العربية
5- كتالوج الكاسيت
6- الكوريك
7- مفتاخ العجل
8- متتخضش لما تشوف الاستبن ( زى عجلة المتوسيكل)
9- خطاف الجر
10 - كيسة عدة
11- اهم حاجة نسخة المفتاح الاحتياطى ( برضه ريموت ) فى التوكيل ب 800 جنيه

اشترى شنطة اسعافات و مثلث و طفاية ( غالية فى المرور)

اتاكد ان الاجزاء الاتية شغالة تام :

1- الاربعة ازاز كهرباء
2- المرايات الكهرباء
3- جرب البور ستيرنج
4- الكلاكس و كافة الانوار و الفوجات
5- خد معاك سى دى ام بى 3 و جرب الكاسيت
6- جرب المالتى فنكشن
7- اتاكد من قفلة الابواب و الاربعة سنتر بص عليهم كويس واحد واحد
8- فتح و قفل الكبوت يدوى و ريموت ( تكتين على الزرار الصغير)
9- لف حولين العربية و بص كويس على العتب من تحت


خلى بالك و انتى سايق الفرامل بتاعة الجين 2 مختلفة ، سيب مسافة لغاية متتعود عليها و يكون التيل طبع


اهم نقطة : تدبح او تطلع صدقة علشان ربنا يبارك و كلمنى فى اى استفسار