مصر موتورز مجتمع السيارات - لسه جديد مع 128 وارجو المساعدة

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - لسه جديد مع 128 وارجو المساعدة (https://www.masrmotors.com/vb/showthread.php?t=83133)

لسه جديد مع 128 وارجو المساعدة

السلام عليكم

انا لسه شاري 128 موديل 84
انا بقي هاوي قوي افهم كل حاجه بنفسي واركب واشيل واحط بايدي بس عاوز حد يبفهمني لان ديه اول مره اجيب عربيه وطالب من كل الناس الي عندهم خبره يقولولي العربيه من الابره للصاروخ بتتكون من ايه وكل جاجه ووظفتها انا عارف انه طلب رخم بس هيفدنا وهيفيد الناس كلها وجزاكم الله كل خير ولو ينفع كل حاجه لو عاوز اغيرها سعرها كام واحسن انوعها ايه اعتقد ان الموضوع ده لو اتجاوب عليه بجد ناس كتير هتستفاد وجزام الله كل خير 444546

رد: لسه جديد مع 128 وارجو المساعدة

صعب انك تلاقى حد يقولك كل حاجة بس انت اتصفح المنتدى وشوف المشاركات وهتلاقى كل حاجة انت عاوزها وهتتعلم كتيييييير منها ان شاء الله
ولو فى حاجة وجهتك اعمل موضوع بيها وهتلاقى الكل معاك وبيساعدك
تقبل مرورى :140109~347:

رد: لسه جديد مع 128 وارجو المساعدة

صعب انك تعمل كل حاجه من نفسك وانت متعرفش اللى بتعمله
بس على العموم انا كنت جايب العربيه زيك ومش فاهم فى اى حاجه خالص خالص
وطبعا محدش فاضى علشان يعلمنى اى حاجه او يفهمنى
فالافضل
ان حضرتك تتعامل مع الميكانيكيه عادى جداااااا بس
مش وهو بيشتغل تقعد على كرسى وتستناه لغاية مايخلص وتاخد عربيتك وتمشى
لا خاليك واقف معاه واعذرنى فى اللفظ اشتغل صبى معاه
وناولة المفكات والعده اللى يحتاجها
وخليك واقف جانبه وساعده لو احتاج حاجه وهو بيعملك العربيه وحاول تفهم هو بيعمل ايه بالظبط وعملها ازاى وممكن وانت واقف معا اللى بيصلحها سواء كهربائى او ميكانيكى او عفشجى تسأله كام سؤال بس من غير ما تذهقه ولا تظهرله انك بتفهم علشان بعد كدا تبقى تعمل حاجتك مع نفسك
ومع العلم والله انا الصنايعيه اللى بعمل عندهم عربيتى
ببقى شغال معهم صبى بمعنى الكلمه وده يزدنى شرف طبعا
لانى دلوقت بقيت بقدر اصلح حاجات كتير اوووى فى العربيه
بنفسى ممكن اظبط اى حاجه فى كهربة العربيه او مثالا عاوز انضف الكربراتير بنضفه بنفسى
ولعلمك ببقى ماسكله البلدوز وبنورله حتى لو هو مش شغال فى عربيتى وشغال فى عربيه تانية وعادى جدا الراجل الصنيعى بعدها بيحترمك
وبيعرف انك ذوق و بيقولك على اى حاجه تحتاجها
وطبعا كل انسان له طريقته وان شاء الله هتتعلم وتبقى زى الفل
اخوك فى الله سيد

رد: لسه جديد مع 128 وارجو المساعدة

اقتباس:

المشاركة الأصلية كتبت بواسطة yasser.omar (المشاركة 645444)

متشكر جدا علي الاهتمام وادعولي ربنا يوفقنا معاها

رد: لسه جديد مع 128 وارجو المساعدة

اقتباس:

المشاركة الأصلية كتبت بواسطة sayed2077 (المشاركة 646483)

أستاذ سيد ده فعلا الي ناوي اعمله ومفهاش حاجه خالص انك تبقي مع الصنايعي خطوه بخطوه لان كله فمصلحتك فالاخر وان شاء الله اتعلم كل حاجه فيها وافيد الناس فالمنتدي