يرجي الافادة من اهل اخبرة
 

وانا بركن العربية امبارح وكاسرالدركسيون للاخر يمين سمعت صوت تكتكة بسيطة جدا من تحت العربية مش عارف ده بقي الكوبلن ولا ايه ولان انا موسوس جدا مع العربية وعلطول ودني معاها مش عارف بقي السبب ايه مع العلم ان العربية عاملة 27 الف كليو بس هل من افادة في الموضوع ده عشان حاسس اني ابتديت اكرة العربية بصراحة

رد: يرجي الافادة من اهل اخبرة
 

كوبلن بس استنى علية لغاية لما يطقطق وبعديين غيرة دة لسة فية عمر
لانك لو غيرتة وهو فية عمر بيتعب الصنايعى فى طلوعة وممكن بيطلع بالكوبلن الداخلى ولو طلع الداخلى حتخسر زيت الفتيس +خسارة زيت الفابريكة+
فانت استنى لما يطقطق ويبقى صوتة music فى الملفات ابقى غير

رد: يرجي الافادة من اهل اخبرة
 

رد: يرجي الافادة من اهل اخبرة
 

أخى الكريم راجع على كاوتش غطاء الكبالن ممكن يكون مقطوع وتسبب فى دخول حبيبات رملسببت هذا الصوت .. لو لقيت واحدة منهم مقطوعه هتجيب واحدة ب15 جنيه وأفضلك تجيب الكاوتشه مع شحمها والصاموله بالتيلتين مع بعض فى علبه ب 25 جنيه
وعلى فكرة عشان تغير الكاوتشه دى لازم بردوا تخلع الكوبلن ودا مش صعب ولا حاجه دا الموضوع كله نص ساعه بالكتير أوى
طبعا انتا ممكن تفكر أنك مدام كدا كدا هتفك الكوبلن يبقى تجيب واحد جديد لالالالالالالالا
خليك مع الاصلى لما تقطع امه لانك مش هتلاقى زيه تانى
يبقى يتحطله الشحم الخفيف بتاعه وتتحطله الكاوتشه وادى للميكانيكى 20 جنيه ودمتم
وربا يوفقك

رد: يرجي الافادة من اهل اخبرة
 

نسيت اقولك الميكانيكى المفروض
بيحط حاجه تاخد الزيت إلى هينزل من الفتيس وهيحقنه تانى بالطلمبه بس
تأكد قبل ما يشتغل انه عندة طلمبه وانه هيجمع الزيت إلى هينزل زى ما قال الأستاذ haninatoon
وبعد ما يخلص يتأكد من زيت الفتيس ناقص ولا تمام أن شاء الله هتلاقيه تمام ولو نقص عمرة ما عينقص ربع كيلو ممكن تكمله من اى مزيته
نسيت كمان انى اقولك انى عملت الشغلانه دى من اقل من اسبوع وكتبت التجربه للنقاش فى موضوع هنا اسمه لى الشكمان وكاوتشة الكوبلن