مصر موتورز مجتمع السيارات - مقارنة بين جميع السيارات الصينية فى مصر

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - مقارنة بين جميع السيارات الصينية فى مصر (https://www.masrmotors.com/vb/showthread.php?t=82209)

مقارنة بين جميع السيارات الصينية فى مصر

السلام عليكم و رحمة الله و بركاتة
انا حبيت اطرح الموضوع ده عليكوا للنقاش و المقارنة بين العربيات الصينى الموجوده فى السوق المصرى زى (Brilliance-Spranza-Great Wall-shana beni-BYD-Livan-Xploision-Komodo-SMA-Geely)..تقريبا دى كل المركات الى اعرفها يمكن اكون ناسى ماركة تانية بس دول على ما اظن اشهر المركات الصينية فى مصر..يا ريت يا جماعة يكون نقاش هادئ و جميل من دون تحيز او عصبية لتعم الفائدة..و الى شجعنى انى اكتب الموضوع ان فى ناس كتير عاوزة تشترى عربية بس مترددة و محتارة بين العربيات الكتير دى و كل واحد على قد الفلوس الى معاه عاوز يجيب عربية تناسبة فا يا ريت ا جماعة كل واحد عندو عربية من العربيات السابق ذكرها يقولنا نوعها اية و موديل سنة كام و سعرها و متوسط تمن بيعها و كل المزايا و العيوب فيها عشان نعرف نوصل المعلومات صح للاخوة المحتاريين عشان يحسموا رأيهم و يتوكلوا على الله..
انا هبدء بنفسى
عربيتى BYD F3 موديل 2012..Gli
العربية حلوة و ممتازة متور 1600 متسوبيشى لنسر بومة سى سى..16 صباب..4 سلندر
الكامليات
1-فراملABS+EBD مانعة للأنزلاق
2-2وسادة هوائية (Air Bag) للسائق و الراكب الامامى
3-تكييف قوى بارد و ساخن
4-باور ستيرنج بس تقيل سنة بسيطة
5-فتح الشنطة و التنك من الداخل
6-اضواء امامية قوية و ممتازة
7-اضواء ضباب خلفية و امامية (على فكرة الى قدام ما بيكنوش ركبين لازم تركبهم فى التوكيل)
8-ادراج تخزين كثيرة و حامل اكواب (نفس صالون التويوتا كورولا بالضبط)
9-نظام مانع السرقة مع الارم
10-عجلات GT و جنوط المنيوم 15 (سبور)
11-عدادات LED مضيئة و عداد قياس مسافات Trip A-Trip B
-------------------------
العيوب
1-صوت ماتور عالى شوية بس مش مزعج و بيروح لما بتحط زيت حلو زى شيل و موبيل و احسن حاجة على قول ناس كتير زيت المانى اسمة ليوكو مولى مستورد.
2-الفتيس حلو بس فى عيب بسيط انو بيعض على خفيف فى الغيار التانى بس التوكيل بيضبط الكلام ده و ممكن تحط زيت فتيس جديد يضبط المشكلة دى نهائيا.
3-علو العربية عن الارض هو عيب و ميزة فى نفس الوقت يعنى العلو ده مناسب جدا للمطبات بل يعتبر ممتاز لاكن على السرعات العالية بعد ال150 مثلا بيبقى خطر(مين بيفكر يجيب اكتر من 120 اصلا)
4-بعض عيوب التقفيل المصرى الزبالة زى الشنطة و الببان بس دى بتتظبط فى التوكيل و بتروح مع الاستعمال.
انا اتكلمت عن عربيتى بكل حيادية و قلت كل الى انا حاسو فيها انما فى المجمل العربية جميلة جدا تحس انك راكب عربية يابنى او كورى بالضبط و العفشة مريحة فى المطباط و تكييف ممتاز و قوى و سحب العربية هايل مش ضعيف زى ما ناس بتقول لا يا عم دى عربية صينى تعبانة و مش عارف اية و لحد دلوقتى مفيهاش اى عيوب و انا لسة شاريها زيرو من شهر و نص كدة..فا ممكن يكون للاعضاء التانية خبرة اكتر منى فى العربية و هما بقا الى يقدروا يدو الحكم النهائى على العربية فا هما الملاك القدام ليها انما انا لسة جديد و كتبت كل حاجة انا حاسس بيها انها فى العربية سواء مميزات او عيوب مع ان العيوب تافهة و بسيطة جدا..
على اى حال مستنين كل واحد يكتب كلام زى كدة عن عربيتو عشان نتشارك الموضوع و نستفيد من تجارب بعض و خبرة بعض..
ارجو انى مكنش طولت زيادة عن اللزوم..
و السلام عليكم و رحمة الله و بركاتة

رد: مقارنة بين جميع السيارات الصينية فى مصر

اقتباس:

المشاركة الأصلية كتبت بواسطة Ma7moud ShedeD (المشاركة 637154)

فكرة جميلة جدا جدا
وياريت الكل يشارك لتعم الفائدة
بس اللي رايه او تجربته في عربية يكون عن تجربة حقيقية مش عن سمع او كلام
علشان اللي ناوي يجيب يقدر يبني فكرة صحيحة عن العربية اللي ناوي يجيبها
ببالتوفيق ونرجوا المشاركة

رد: مقارنة بين جميع السيارات الصينية فى مصر

استاذ عصام بيتكلم مضبوط..

رد: مقارنة بين جميع السيارات الصينية فى مصر

:fun_36_3_1[1]:ROSE4U:fun_36_3_1[1]:ROSE4U

رد: مقارنة بين جميع السيارات الصينية فى مصر

اقتباس:

المشاركة الأصلية كتبت بواسطة Ma7moud ShedeD (المشاركة 637154)

والله كلامك سليم 100% فانا معى f3 وتقريبا كتبت اللى عندى وبعد غد ان شاء الله حعمل صيانة 1000كيلو وعندى بعض العيوب البسيط مثل الشنطة لازم تترزع عشان تقفل وتشغيل الانذار وحعمل تقرير مفصل بما يرضى الله