استفسار عن اسعار قطع غيار ابيزا 1994 ضروري
 

لو سمحتو عايز اعرف سعر طلمبه البنزين وسير الكاتينه و الكوبلن جديد بكام واخيرا سعر اكصدامات موديل واجيبهم منين و1998

رد: استفسار عن اسعار قطع غيار ابيزا 1994 ضروري
 

حضرتك كاتب في العنوان 94 و كاتب في الموضوع في الاخر 98 فا مش عارف حضرتك تقصد انهي بس انا هقولك الاتنين

طرمبة بنزين 94 100 جنيه استيراد

سير الكاتينه 80

الكوبلن المايلي الالماني 220
الكوبلن الصيني 100
استيراد الجوز ب 200 او اقل حسب شطارتك

الاكصدامات بتاعت ال 98 550-600 استيراد بالكساحه الامامية

600 جداد تايواني من غير كساحات ولا اي حاجة فاضيين

و نصيحة لو عايز تركب اكصدامات 98 علي ابيزا 94 هات وش كامل علي بعضه قطعيه كاملة و جوز رفارف لان الاكصدامات بتاعت ال 98 متركبش علي رفارف ال 94 ممكن تركبها بس بمسامير و كده ..

رد: استفسار عن اسعار قطع غيار ابيزا 1994 ضروري
 

شكرا لاهتمام حضرتك انا فعلا عايز اركب اكصدامات ابيزا 98 على 94 وشكرا للنصيحه ولو سمحت عايز اعرف تكلفه الوش الكامل مع جوز الرفارف ولما اروح اشتريهم هقول لللراجل عايز وش كامل مع جوز رفارف يعني المصطلح ده الراجل هيفهمه؟ واشتريهم منين؟ وشكرا مره تانيه

رد: استفسار عن اسعار قطع غيار ابيزا 1994 ضروري
 

بص يا باشا انا بنصح بشراء الوش كامل علي بعضه يعني تكون قطعية كامة الصدر و الوش بالكامل يعني فوانيس بشبكة بأكصدام كله علي بعضه يعني و ده بيعمل حوالي 1200 بالرفارف يعمل 1400-1500 تمام هتقولي طب اغير الصدر ليه ممكن عندك يكون سليم .. الفكرة في الفلوس بس لانك لو اشتريت الحاجة مفرطه هتشتري اكصدام امامي ب 300 و رفارف 300 و فوانيس 300 و جوز اشارات ب 90 و شبكة 98 لان بتاعت 94 مش بتركب علي رفارف ال 98 هتضطر تديها مسامير و الشكل هيبقي وحش تشتري شبكة بالعلامه ب 150 يعني دخلت في 1200 جنيه من غير صدر انما لما تشتري الصدر بالوش كامل علي بعضه اول سعر هيتقالك 1500 بينزل لحوالي 1200 بالاضافة لان الوش كله علي بعضة مش هيقرفك ولا تعد تفك ولا تركب هو جاي مظبوط علي بعضه مجرد هتشيل الصدر بتاعك و ده بيتفك من المسامير بتاعته يطلع بالحاجة اللي عليه و تقوم مركب التاني علي طول

و تشتري منين فيه حتت كتير الحرفيين او الوكالة او كفر طهرمس في فيصل فيها بتوع فولكس و سيات كتير برضه عموما لو معرفتش توصل ابقي قولي و انا اشوفلك عند الناس بتوعي