|
استفسار بخصوص بطارية شيفروليه لانوس
بسم الله الرحمن الرحيم انا اشتريت شيفروليه لانوس زيرو موديل 2011 من حوالى سنة والحمد لله كانت سنة جميلة جدااااا ونصيحة فعلا للكل يشترى لانوس بس النهاردة حصلت حاجة غريبة نزلت اركب العربية زى كل يوم عشان اروح الشغل ... ادورها وهى مش عايزة تدور ابداااااا المفتاح بيلف فى الكونتاك من غير ما يلقط اى حاجة انا قلت شكلها البطارية ندهت واحد صنايعى بتاع بطاريات جنب ما انا راكن العربية عشان يشوفها قعد يشوف شحنها والمية بتاعتها وبعدين ركب بطارية تانية العربية دارت عادى جداااااااااا قالى البطارية دى خلاص باظت ولازم واحدة جديدة قلتله العربية مبقالهاش سنة لسه !!! قالى الزيرو كده ... بطاريته يادوب تقعد سنة الكلام ده سليم ولا ايه يا شباب ؟؟ وايه احلى نوع للبطاريات عشان لما اشترى الجديدة بكرة ؟؟؟ هو قالى النسر احلى حاجة ... صح كده ولا ايه ؟؟؟؟وايه هى اهم حاجة اعملها عشان احافظ على البطارية الجديدة ؟؟ شكرا واسف على ازعاجكم والسلام عليكم ورحمة الله وبركاته |
رد: استفسار بخصوص بطارية شيفروليه لانوس
هاتلك بطاريه جافه 55 أو 70 أمبير
ac- delco (سعودى المنشأ وبتباع بالسوق المصرى ) هتقعد معاك مالايقل عن 3 سنوات |
رد: استفسار بخصوص بطارية شيفروليه لانوس
شكرا على ردك واهتمامك يا باشا حضرتك انا من المنصورة ومعندناش غير النسر او كلورايد انا تقريبا مضطر اختار بين الاتنين |
رد: استفسار بخصوص بطارية شيفروليه لانوس
اقتباس:
ممكن تستشير أى سواق تاكسى عندك من أجل المفاضله بين النوعين لكن ياريت تكون بطاريه جافه |
رد: استفسار بخصوص بطارية شيفروليه لانوس
شكرا يا باشا |
| الساعة الآن 04:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017