شروط ايقاف الضمان لسيارات اسبرانزا
 

بفكر اجيب عربيه اوتوماتيك وابيع ال a113 بتاعتي علشان رجلي الشمال صوابعي الحمد لله فيها مشكله بسيطه بتظهر مع الدبرياش خاصه في جو الزحمه اللي احنا فيه---المهم------ انا كنت قطعت الصيانه لمده 6 شهور عشان كنت زهقت من حكايه 3 شهور دي فقولت اما اجرب واروح اعمل صيانه يمكن يرضو يدخلوني في الضمان تاني --- المهم قدرت احصل علي الورقه دي واللي بتفيد امتي هما بيخرجوا العربيه برا الضمان واللي للاسف ما قريتهاش الا بعد الصيانه ما خلصت واتضح انهم قرطسوني لمؤاخذه بحتت ختم مكتوب عليه ضمان انما في الحقيقه الشروط المكتوبه دي تدل اني خرجت بره الضمان من زمان ( وده بصراحه احسن ) واظن ان 80% من اللي عندهم اسبرانزا بالشروط دي علي الاقل خرجوا برا الضمان للقطع الاساسيه ولو حصل حاجه هيقولم مانتا فوت صيانه ولا اتنين وشغل حلق حوش ونصب ومنهم لله اللي سايبنهم يعملوا فينا كده ---

الشروط هكتبها لاني مش عارف ارفع الملف خالص:
1- اذا فوت صيانه واحده انسي ضمان الموتور والشاسيه والدركسيون وال---------- الاجزاء الرئيسيه
2- اذا فوت صيانتين متتاليين او متقطعه انس الضمان كله :)
3-اذا ماغيرتش زيت وفلاتر تبع الضمان
4-زيت الفتيس كذلك
5-مياه التبريد كذلك
6-طقم السيور كذلك
7-اذا عطست برده هيخرجوك بره الضمان MAD

رد: شروط ايقاف الضمان لسيارات اسبرانزا
 

يعنى ايه حضرتك زيت الفتيس كذلك ؟؟؟ يعنى اى تغيير للحاجات دى خارج الضمان تخرج العربيه من الضمان؟؟:090104~384::0901 04~384::090104~384:

رد: شروط ايقاف الضمان لسيارات اسبرانزا
 

للاسف التوكيل مش بيجيب الحاجات الاصلية واغلبية قطع الغيار هناك مضروبه من مصانع تحت
السلم .
صيانة العشرين الف غيرت بيجوهات بالضبط 7 الف كيلو وباظت والمشكلة ان فى بيجوا فيهم عامل زيت مش عارف عيب البيجوا ولا عيب فى الموتور .. التيل من اول ما ركبتوا فى التوكيل عامل معايا مشاكل كان بيصفر ورحتلهم اكثر من مره كل اللى بيعملوا يصنفروا ويرجعوا تانى وانا دلوقتى خائف على الطنبوره .

مش عارف ليه التوكيل مايجبش قطع غيار نظيفه ومحترمه ويركبها .. ليه بيجيب المضروب والمصنوع تحت السلم يعنى علشان يكسب اكثر مع انه المفروض يكون افضل من الصيانة خارج التوكيل .. لابد من وقفه مع توكيل اسبيرانزا لانه كدا زودها قوى ليجيب الحاجات المحترمه ويركبها لاما يخلينا نجيب احنا قطع الغيار ونحاسبة على الصيانه فقط بجد التوكيل ده هو اللى ايبوظ الاسبيرانزا ولازم الشركه الام تعرف العج اللى بيحصل فى التوكيل وقطع الغيار المضروبه اللى بتتركب هناك . انا معايا البيجوهات اللى باظت بعد 7 الاف كيلو من تركيبها وعاوز ارسلها الى الشركه الام فى الصين علشان تشوف نوعيتها ايه ويعرفوا مصنعه تحت اى سلم او ابعدها لحماية المستهلك ويدرسها ويعرف السلم اللى مصنعه تحته و افك التيل وابعدوا ليهم كمان وده انشاء الله اللى ايحصل ...

رد: شروط ايقاف الضمان لسيارات اسبرانزا
 

:01FDAB~189::01FDAB~189:: 01FDAB~189:

رد: شروط ايقاف الضمان لسيارات اسبرانزا
 

ايوه يا فندم ده بند حاطينه في الشروط وهو بند مايع زي الباقي يعني بيقولو لوما غيرت زيت الفتيس حسب الضمان تخرج براه --بس من الاخر انا حاسس انهم حاطين الشروط دي زي مسمار جحا عشان لو حاجه باظت في العربيه يقعدوا يدوروا علي الحاجات الهايفه دي ويلغولك الضمان---للاسف