|
مساعدة في شد مازدا كيا 1976
السلام عليكم ورحمة الله وبركاته
الاخوة الافاضل اعلم انكم قد ضقتم زرعا بي لكثرة الاستفسارات وخاصة في القديم ولكن هذه المرة السؤال لقريب لي حتى لا اطيل عليكم لدي قريبي سيارة مازدا rx3 1976 او ما تسما بمازدا كيا وهي 2 باب ومعاد التجديد الشهر القادم ويرغب في شد السيارة من الالف للياء بمعني سمكرة ودوكو وكهربا وعفشة وميكانيكا واكسسوارات وغيرة وهو يبحث عن صنايعية يكونوا خبراء في مجالهم مع العلم انه من القاهرة وعلى استعداد ان يذهب الى الصنايعي في اي مكان بشرط خروج السيارة من تحت يدية كما يرغب بالضبط للتوضيح: السيارة وداها لسمكري وغير وش السيارة نهائي وهو تريد اعادتها كما كانت - اعتذر لعدم توافر صور للسيارة الان احتياجات السيارة: 1- سمكري خبير في مهنته ولو كان في شبرا الخيمة او القاهرة يكون افضل ولا يشترط ذلك - مع العلم ان السيارة هيجبها على الصاج ويشدها كلها 2- ميكانيكي مازدا خبير واماكن شراء مواتير المازدا الاستيراد 3- التابلوة عايز يتغير مكان شراءة لو امكن 4- عايز يجنط السيارة فارجو توضيح الانواع التي تصلح لها 5- كهربائي خبير لانه هيشد الكهربا كلها من الالف للياء لان الصنايعي اللى شدله العربية بهدلها مش شدها - حتى ان الضوء بتاع العربية الامامي بيحدف للجنب 6- سروجي خبير في مهنته - ومكان شراء كراسي طيارة وهل ينفع تركيبها في السيارة ام لا 7- عفشجي خبير في مهنته - ومكان شراء عافشة للمازدا لان العفشة طالع عنها 8- هل ممكن تركيب تكييف فيها ولا لا 9- لو في اي اقتراحات ارجو توضيحها علشان هو عايز يخرج عربيته من الاخر فيها كل شيء ديه صورة للسيارة اللى بيتمني يوصل عربيته ليها http://t2.gstatic.com/images?q=tbn:A...idO12IOAgb-MZY و http://t0.gstatic.com/images?q=tbn:A...G2WVRVDJuM6r-4 و http://4.bp.blogspot.com/-S4Tff02E-x.../mazda_rx3.jpg شكرا لسعة صدركم وفي انتظار الرد على احر من الجمر |
رد: مساعدة في شد مازدا كيا 1976
هى عربيه جميلة وتستاهل تكون مشروع تعديل ان شاء الله ناجح
بس الموضوع طبعاً محتاج صبر ووقت ومجهود ان شاء الله نرد على استفسارات حضرتك حسب الاستطاعة وطبعاً يشرفنا الرد دايما على استفسارتك 1- بخصوص السمكرية مفيش اكتر منهم وانا ممكن اوصفلك ناس فى الحرفيين او عين شمس 2 - موضوع الميكانيكى برضو مش عقدة ومش لازم يكون ميكانيكى مازدا تحديداً المهم يكون ميكانيكى شاطر وشغال فى اليابانى القديم عموماً لان كله نظام واحد وبرضو اقدر اوصفلك كذا واحد فى عين شمس 3- بالنسبة للاكسسوارات بتاعة العربيه وقطع الغيار هتحتاج منك لفه فى الحرفيين عند تجار الاستيراد وان مكانش تنزل الوكالة او عزبة شلبى اللى فى المطرية اكيد هتلاقى فى مكان من التلاتة ان شاء الله 4- بالنسبة للجنوط فديه حسب ذوق صاحب العربية طبعاً انت هتشوف المسامير بتاعتها نظامها ايه وهتجيب جنط يمشى مع الطنابير بس اصبر على الجنوط لحد ما تخلص العفشه خالص وتشوف العفشجى هينصحك بايه 5- بالنسبة للكهرباء برضو محلولة ان شاء الله فيه كهربائيه كتير كويسين 6- وبالنسبة لكراسى الطيارة ان شاء الله تركب وبعدين تعمل كسوة للكنبة اللى ورا وفرش للارضيات وسوليتكس الابواب وكل ده ممكن تعملة فى سبير كار او حد متخصص فى الفرش 7- نفس الكلام السابق محتاج لفة عند بتوع الاستيراد يا تلاقى عفشتها يا توفقلها عفشه 8- كل شىء ممكن بس المهم الاول تظبط العربيه ميكانيكا وكهرباء وتشوف الميكانيكى هيقولك ايه على تركيب التكييف وحاجتة واذا مفيش مشكلة فى الحوض هتجيب تكييف يابانى يونيفرسال وتركبة مفيش مشكلة 9- الاقتراح الاساسى زى ما قولت لحضرتك انك تشتغل فيها بصبر ونظام فانت الاول تظبط اساسيات العربيه ميكانيكا وكهرباء وعفشه وتلم حاجتها المطلوبة بعدين كل اللى بعد كده سهل |
رد: مساعدة في شد مازدا كيا 1976
شكرا جزيلا اخي AboNoRa
لو امكن توضحلى مكان ورش العفشة وميكانيكية الياباني القديم في عين شمس اللى انت ترشحهم ولو امكن تليفوناتهم وان شاء الله هديهم لقريبي ياخد العربية ويرحلهم وان شاء الله هقولة على الاماكن اللى انت قلت عليها علشان يدور فيها على قطع الغيار والاكسسوارات بس سؤال هو ينفع يتوفقلها عافشة تانية غير بتاعتها - معلش اصلى مليش في العربيات؟ وشكرا مرة اخرى على اهتمامك وردك |
رد: مساعدة في شد مازدا كيا 1976
مش عايز يبيعها؟؟
|
رد: مساعدة في شد مازدا كيا 1976
للاسف يا mego_100
هو مش عايز يبعها هو عايز يشدها وشكرا |
| الساعة الآن 07:46 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017