مصر موتورز مجتمع السيارات - المساعدة لوجة الله يارجالة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - المساعدة لوجة الله يارجالة (https://www.masrmotors.com/vb/showthread.php?t=73377)

المساعدة لوجة الله يارجالة

بسم الله
لنا مش عارف ابدأ منين !
اولا انا عندي رجة افقية في الدركسيون بعد سرعة 80ك/م رجة مبتخلنيش اعرف ازود سرعة اكتر من كدة لأني مبكنش متحكم في الدركسيون من كتر الهز يمين وشمال .
ثانياً:لما بدوس فرامل في السرعات العالية العربية كلها بتترج جامد مش الدركسيون بس العربية كلها .
مع العلم اني مغير الطنابير الأمامية من سنة والتيل من 6 شهور ورحت رصصت ومغير بيض الدركسيون والعربية اوبل كورسا 97 و
فاستحلفكم بالله ساعدوني لاني قلقان امشي بيها على سرعات مش قادر اعدي ال 80 ك/م قولولي اكشف على اية ؟ او اغير اية؟
موضوع الرجرجة مع الفرامل لسة جديد من اسبوع كدة انا قلت من الترصيص رحت رصصت شكل الصنايعي حمار لان هزة الدركسيون زادت وبكدة هروحله تاني اهزء اهله.
الميكانيكي بيحاول يقنعني بأن الطنابير اتعوجت وانا مش مقتنع , الكاوتش والجنوط كويسية جداد لسة مكملوش سنتين....بالله عليكم تقولولي اعمل اية ...؟؟

رد: المساعدة لوجة الله يارجالة

والله مش عارفه اقولك يه ان شاء الله حد من الاعضاء يكون عندوا فكرهده من ايه

رد: المساعدة لوجة الله يارجالة

اكشف علي الطنابير علشان كده تبقى الطنابير اتعوجت و ده بيجي من انك بتغسل العربيه و هي لسه سخنه
فبتتعوج من كده . و برضوا التيل لما بيخلص خالص بيبقى له تاثير جامد برضوا

فا انت كده هتغير الطنابير و كل حاجه هتبقى تمام ان شاء الله و لو فيه اي استفسارات تانيه انا معاك

رد: المساعدة لوجة الله يارجالة

افضل شيء تروح فرع من فروع بريدجستون عشان الترصيص - ان لاقدر الله الترصيص مجابش نتيجة يبقي اولا طنابير وعلي فكرة الطنابير ممكن تتعوج لو دخلت في مياه وهي سخنة فدا شيء وارد وبتحصل عندنا في اسكندرية كتير ثانيا كاوتش وبرضة الكاوتش ممكن يبوظ بسهولة لو عديت علي عيون قطط حتي لو لسة جايبة امبارح وربنا معاك

رد: المساعدة لوجة الله يارجالة

لا زالت مشكلتك تدور حول الطنابير وترصيص العجل