مصر موتورز مجتمع السيارات - ممكن استفسار بسيط عند تعلم سواقة السيارة

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - ممكن استفسار بسيط عند تعلم سواقة السيارة (https://www.masrmotors.com/vb/showthread.php?t=72908)

ممكن استفسار بسيط عند تعلم سواقة السيارة

ياجماعة انا لسة شارى عربية بولو 99 ودى اول عربية ليا ......المهم انا ركبت مع صاحب العربية عملنا مشوار من سيى بشر ل مرور طوسون ورجعنا على ابيس وبعد كدة سجلنا فى الشهر العقارى اللى فى السيوف

المهم انا باقول دة لان العربية كانت ماشية مع الراجل تمام ومافيش اى ريحة ولا صوت

جيت عشان اتعلم عليها كان معايا واحد قريبى بيعلمنى ...المهم فى الول ماكنتش عارف المس البنزين مع الدبرياج وكانت العربية بتفصل كتير ...بعد ساعة تعليم بدءت تمشى معايا شواية بس كنت بزود بنزين وانا ماسك سنة بالدبرياج

المهم واحنا مخلصين اول يوم شمينا ريحة كانك حارق كاوتش هى خفيفة ولما فتحنا الكبوت خفيفة خالص ومافيش دخان

المهم الموضوع اتكرر تانى يوم فقريبى بيفسرلى دة ان دة نتيجة انك بتدوس بنزين وانتا مريح شواية على الدبرياج ف صوت الماتور بيعلى

هوا دة صح ولا اللعربية فيها حاجة

رد: ممكن استفسار بسيط عند تعلم سواقة السيارة

ده ممكن يكون تيل الفرامل لو انت بتدوس فرامل مره واحده وعلى الاخر الريحه اللى بتقول عليها ممكن تكون من كده واكيد انت هتلاحظ الفرق لو اخدت بالك

رد: ممكن استفسار بسيط عند تعلم سواقة السيارة

دا تيل الفرامل فعلا .. بيكون السبب احيانا انك مش منزل فرامل اليد للأخر .. لو في اشاره لبيان فرامل اليد عندك بص عليها شوفها شغال وانت ماشي ولا لأ

رد: ممكن استفسار بسيط عند تعلم سواقة السيارة

دى اطوانة الدبرياج لانك مش بتشيل رجللك من ع الدبرياج .............الدبرياج تدوس عليه عند نقل الغيار بس

رد: ممكن استفسار بسيط عند تعلم سواقة السيارة

اخى جرب شيل رجلك من على الدبرياج انت بتقرص عليه وهو الى بيعمل الريحه دى