مشكلة حيرتني اخر حاجة ..... ارجو المساعدة
 

السلام عليكم ورحمة الله تعالى وبركاته
الي حصل معايا اني بعد 25 الف ك عملت كروس للعجل قلبت الي ورا بمقص قدام والي قدام رجعو ورا
المهم تاني يوم بقى جيت بدوس فرامل قبل ما العربية توقف اسمع صوت رفة بصفرة خفيفة في العجل من الجنب اليمين احترت هي من ورا ولا قدام وللان مش عارف احدد بالزبط
رحت عملت صيانة ال25 الف قالو العفشة الحمد لله تمام يمكن العيب من الكوتش
رحت ناقل تاني الكوتشين الي ورا مكان بعض يعني الجنب اليمين وشمال وبردو الموضوع ده مرحش الصوت بيبقى عامل زي رفة كده كان الكوتش بيرف ع الطنبورة العربية تمام في المشية والترصيص تمام والفرامل كويسة مافيش حاجة الحمد لله
يترى يااخونا ايه الموضوع ده حلو ايه ارجع الكوتش الي قدام ورا تاني ولا اعمل ايه بالزبط

رد: مشكلة حيرتني اخر حاجة ..... ارجو المساعدة
 

وعليك السلام ورحمه الله وبركاته -+


يا ترى الموضوع على السرعات العاليه ولا العاديه ولا بيجى امتى بظبط

وشيك على تيل الفرامل ممكن تكون لقمه تيل طلعه من المشبك بتعها المشبك الصاج وليست لقمه التيل وهيه الى بتحك وبرضه بلمره شيك على الكرتير بتاع الفجاوى

تحياتى :hd:

رد: مشكلة حيرتني اخر حاجة ..... ارجو المساعدة
 

uقبل ما العربية تقف بحاجة بسيطة وتقريبا جاي من ورا

رد: مشكلة حيرتني اخر حاجة ..... ارجو المساعدة
 

بما انك كنت مش سامع الصوت قبل النقل فجرب رجع كل فردة لمكانها الاصلى لو الصوت راح يبقى عيب كاوتش لان و الله اعلم 25 الف كم كتير على الكاوتش فى نفس المكان كان المفروض تبدل كل 10 بكتيره 15 الف لضمان التاكل المنتظم لو الصوت مرحش يبقى العيب مش من الكاوتش و ممكن زى ما قال الاستاذ ملك القلوب هل الكاوتش يونى ديركشن يعنى النقشة ذات اتجاه واحد مينفعش تتقلب ؟

رد: مشكلة حيرتني اخر حاجة ..... ارجو المساعدة
 

اولا شكري وامتناني للاخ ملك القلوب
ومشرفنا الغالي أحمد بيه
انا بدلت الكوتش يعني رجعتو زي الاول والنقشة على اتجاه واحد بس
الصوت مرحش افيدوني بقى الحل ايه
يترى ايه الي ممكن يكون حاصل في التوكيل قالو الطنابير تمام والتيل تمام
والكوتش الجنط كويس مفيهوش عوجات ولا حاجة انا نفسي اعرف بيحك في ايه الكرتيرة تمام بردو اروح لعفشجي ولا خراط ولا ميكانيكي ويتارى في حد كويس