|
ساعدوني لو سمحتم العربية بتبطل عند التسخين
ارجوكم ساعدوني فالمشكلة دية لاني معايا ابيزا 2001 وغيرتلها موتور 1400 والعربية من بعد ما غيرت الموتور اول لما اجي الصبح ادورها بتعذبني جدآ لحد ما تدور وتفضل تبطل وازودلها بنزين وبعد ما تسخن تشتغل تمام وللعلم جبت منظف الكاربتير اربتير وبرضة بتعمل نفس الموضوع في انتظار رد من اهل الخبرة واشكركم
|
رد: ساعدوني لو سمحتم العربية بتبطل عند التسخين
هو فى استفسار صغير هو حضرتك غيرت الموتور اللى كان فيها وجبت موتور كاربراتير ازاى على حد علمى مفيش ابيزا بعد 98 كرباتير كله انجيكشن سواء mpi او حتى spi ما علينا لو هى بتعمل كده وهى كربراتير انا مش هقدر افيدك قوى غير انى اقولك انك تروح ترمى المكنه دى فى وش اللى انت اشتريتها منه مش فاهم ازاى تبقى لسه شاريها ويطلع فيها مشاكل ده غير موضوع انها كربراتير دى كمان النقطه التانيه لو هى انجيكشن فا دى حاجه بسيطه قوى انت بس تعمل زياره للراجل اللى سقطلك المكنه يحطها على الجهاز وغالبا هتكون كهربا ان حصل معايا موضوع مشابه وهو ان العربيه كانت بعد ما ادور يفضل الاربى ام يوطا ويعلى وتروح مبطله ادورها تانى تشتغل بس كانت بتدور على طول المهم طمنا باللى حصل معاك
احمد عبد السلام |
رد: ساعدوني لو سمحتم العربية بتبطل عند التسخين
العيب اللي بتتكلم فيه دا بيبقي رداخ بنزين بما ان عندك كاربيراتير بس انا متفق مع الاستاذ احمد ان مواتير الابيزا الحديث مفهاش كاربيراتير وكلها انجكشن الا لو ماتورك قبل 94 ودا يبقي قديم خسارة فية الفلوس الا لو انت جايبة بتمن كويس
|
رد: ساعدوني لو سمحتم العربية بتبطل عند التسخين
شكرا استاذ احمد انت واستاذ اشرف وفعلا طلع كلامكم صح مفيش كربراتير وهي ماكنة 1400 قرطبة 2001 والمشكلة لسة قائمة ومعرفش رداخ البنزين فين بالظبط عشان اغيره والف شكر كمان مرة
|
رد: ساعدوني لو سمحتم العربية بتبطل عند التسخين
عموما لو مشيت ورا خراطيم البنزين اللي متوصلة بالكربيراتير اكيد حتوصلك للرداخ باذن الله والاحسن توديها لميكانيكي فاهم يغيرهولك احسن
|
| الساعة الآن 12:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017