معدل استهلاك البنزين لسياره لانوس مانيوال 2006
 

برجاء الافاده عن متوسط استهلاك الوقود للسياره موديل 2006 داخل البلد و على الطرق السريعه نظرا لتفاوت الاراء حول هذا المتوسط

رد: معدل استهلاك البنزين لسياره لانوس مانيوال 2006
 

لازم يبقى فى تفاوت فى الاراء لان مش جل سائق زى التانى فى بيكبس بنزين وفى براحة على دواسة البنزين فى بيسوق 80 90 فى بيسوق 130 120 على حسب كل دى نسب بس فى المتوسط ل80 90 طريق سريع الصفيحة بتعمل حوالى بس تكون فى العربية مثلا 3 افراد بتعمل حوالى 250 الى 280 كيلو وطبعا دى بردة نسبة متفاوتة بس هى موفرة جدا جدا انا لما كانت معاية موفرة بطريقة رهيبة جدا

رد: معدل استهلاك البنزين لسياره لانوس مانيوال 2006
 

شكرا على ردك بس انا العربيه عندى مظبوطه تمام ومفيهاش اى مشاكل بس بتعمل 160 كم فى ال 20 لتر جوه البلد من غير تكييف و بحط بنزين 92 و بصراحه انا حاسس ان ده قليل جدااااا ياريت لو حد يعرف يفدنى فى الموضوع ده اكون شاكر ليه جداااااااااايه ياترىROSE4U

رد: معدل استهلاك البنزين لسياره لانوس مانيوال 2006
 

فعلا الاستهلاك دة قليل جدا جدا كدة العربية فيها حاجة ممكن تتأكد من الرشاشات انا اذكر لما العربية عندى اخرت فى الدوارة يعنى لما بدور العربية تتاخر شوية كشفت لقيت الرشاشات مسدودة جبت استيراد كان الاستهلاك عندى جميل جدا جدا غيرت الرشاشات لقيت العربية بقيت خراب بيوت مستعجل كانت بتعمل فى الصفيحة 140 كيلو جوة البلد رجعت للراجل تانى قولتلو قالى دة استهلاك طبيعى قولتلو لا دة مش طبيعى انا عارف استهلاك عربيتى كويس المهم غيرهم بقيت بتعمل فى الصفيحة حوالى 160 كيلو جوة البلد بردة روجتلو بقى وعملت مشكلة لانة كان واخد 250 جنية وزعقت قالى خلاص يا باشا هات رشاشاتك القديمة وانا اركبهالك بس متقوليش بقى بتاخر فى الدوراة والكلام دة قولتلو ماشى اهم غيرهم اللاستهلاك رجع ملوش حل تانى وبعد دة مشكلة كانت حصلت معاية يعنى ممكن تكون عربيتك متغيرلها رشاشات وتكون بتاكل بنزين على الفاضى

رد: معدل استهلاك البنزين لسياره لانوس مانيوال 2006
 

:CONGRA~238: شكرا على اهتمامك بس انا اعرف ازاى العربيه مغيره رشاشات ولا لا و خصوصا ان الميكانيكى بتاعى و ده عشره عمر يعنى بثق فيه جدا قالى العربيه مظبوطه يعنى البوجيهات طالعه منها بيضاء معلهاش اى اثار لكربون نهائى و الشكمان مبيطلعش اى عادم اسود خالص و قاللى الرشاشات بتسمع صوتهم وانت قاعد جوه العربيه لما بتفتح كونتكت و ده معناه انهم كويسين:red_face10: و لما بقوله العربيه بتاكل بنزين بيرد عليا و يقول مش هنقدر نحكم عليها غير لما نحسب استهلاكها عالطريق السريع علشان نتاكد فياريت اللى يعرف متوسط استهلاك سيارته على الطرق السريعه او جوه البلد يرد يقولنا استهلاكه كام و شكرااااااااااا