مصر موتورز مجتمع السيارات - الله يكرمك يابو رمزى يا كبير

من فترة ليست بالقصيرة أصبت بحالة شنيعة من الاحباط التام لدرجة ان أنا كنت فى حالة اكتئاب مهولة والسبب ان قناة البحرين الرياضية ربنا يكرمها استولت على حق بث بطولة للعالم لسيارات الفئة الأولى (الفورميلا وان ) و للعلم القناة على العرب سات بس لذا فقد قررت الآتى :
هنزل برنامج ال sop cast من على www.sopcast.com و ده برنامج بيخليك تتابع القنوات على الشبكة العنكبوتية بس تبعا الجودة أى كلام عشان السرعة بتاعت النت و الأوكس ان القناة الوحيدة اللى بتنقل السباقات هى ال cvvt5 و لمن لا يعلم دى قناة يابانية أو صينية و الحمد لله أنا ضليع و أستاذ و رئيس قسم فى اللغتين
المهم أول سباق طار و تابعت ال high lights يس
لكن ......................... ......................... ......................... ......................... ......................... ......................... ......................... ......................... ......................... ......................... ......................... ........................
كنت بكلم الأستاذ سامح ابن الحاج رمزى ربنا يكرمه قولوا ءامين و تطرق الحديث (حلوه تطرق دى ) الى موضوع البث التليفزيونى و قناة البحرين و قد تكرم مشكورا و أفادنى بلآتى:
قناة البحرين أساسا كانت بتبث على النايل سات و بعد كده تقريبا مدفعوش الايجار فعزلوا على العرب سات و سابونا نخبط دماغنا فى الحيط لكن الحاج سامح كان معاه مفتاح الشقة القديم .........قصدى تردد القناة القديم على النايل سات و قاللى جربوا هو مشتغلش معايا بس يمكن يشتغل معاه
وقد كان شكرته ونمت عشان المكالمة دى كانت الساعة 3 صباحا (أنا أساسا مععنديش دم و الراجل يشكر انه رد عليا )
صحيت تانى يوم الصبح والموضوع مش فى دماغى و قلت هتفرج على النت و خلاص و كالعادة شعر راسى طأطأ أبيض من سرعة النت الخرافية تشوف 30 ثانية و أودامهم نص ساعة النت بيقطع قلت فى عقل بالى أما أجرب المفتاح قصدى التردد و فوجئت بالتالى المكنة طلعت قماش قصدى التردد جاب المحطة فعلا و بجودة خرافية و اتفرجت على خيبة الفيرارى والمكلارين فى السباق بس كنت فى قمة السعادة انى هعرف أتابع البطولة المحببة الى قلبى و السبب بعد ربنا الحاج سامح رمزى المعروف باسم sam ram ربنا يخليك لينا يا كبير و تركب الحتة الشبح
أخيرا الشكر واجب لقناة البحرين على النقل المتميز و المحللين الممتازين و ان كنت أفتقد صوت أيمن عبد الواحد
التردد عشان الناس متضربنيش مع انى عارف ان محدش هيتفرج من أساسه :
10911 vertical
يا رب مكونش طولت عليكوا و وجعتلكو دماغكو و عنيكو
اتمسو بالعافيه
كان معكم من أمام شاشة الكمبيوتر بتاعه
سومو
سلام مربع لسام رام الجبار
ptmnlo123per154 ptmnlo123per154 ptmnlo123per154 ptmnlo123per154 ptmnlo123per154