مصر موتورز مجتمع السيارات - حوارى مع سائق مقطورة عن حوادثهم و السرعة الزائدة و ليه بيمشوا على الشمال دائما!حوار مفيد مع فئة غائبة عن عالم الانترنت.

بسم الله الرحمن الرحيم
طبعا اانا هاعمل الموضوع ده لانى احد الاصدقاء قرا موضوعى اللى فات و قالى حاول تحكى ايامك بالطريقة ده اصلاها عجبها و و انا لقيت انى هبقى سعيد و انا بحيلكوا ايام من ايامى و بحاوى افتكر المواقف المفيدة بصراحة

يوم زى اى يوم
الساعه 10 صبحا نزلت فرش فاطر فول من عند رضا و ضربت كباية الشاى على قهوة محمد على اللى فى السيوف

11.30 بالدقيقة كنت فى المصنع العربية بتتحمل و أنا بجهز المشمع و السلب

12.00 بداية الانطلاقة :)

1.30 تقريبا كنت وصلت المصنع اللى فى البرج و عربيتى وقفت مع صف عربيات فى الدور علشان تتفرغ فى الكونتينار اللى طالع الميناء ان شاء الله شغل تصدير (شوفتوا انى بساهم فى اقتصاد البلد ازاى) .

طبعا روحت قدعت مع عم طارق سائق المقطورة اللى بقولوكوا عليه و هو راجل كبير السن خبرته رهيبة فى العربيات و السواقه اول مابدأ كان شغال مع ميكانيكى و هو فى الدبلوم الكلام ده فى السبعينات تقريبا .و كان شغال صغير يعنى و فضل فى المجال ده لحد ما بقى سواق درجه اولى.

و صراحة هو بيعزينى شوية يعنى و بيتكلم معايا كتر و هو عارف ظروفى و دخلت موضوع العربيات ازاى و كان حابب فيا انى لسه ضغير فا صراحة كلامه ليا كل نصائح.

<بداية الكلام >
قاعد بيشرب كباية الشاي فى الامريكانى روحتله ابو أحمد صباح الفل
ازيك ياشريف عامل ايه
ردت الحمدلله
قعت احكى معه على الطريق و بتاع و الكلام جاب بعضه و كان اول سؤال
ليه سواقين العجل التقيل بيمسكوا الشمال؟!و فى عقل بالى بفكر فى كل 50 سنتيمتر لوحة النقل الثقيل يلزم ام اليمين .
رد بساطه و قالى الشمال سالك
قولتله ازاى يعنى
قالى اليمين واحد واشى على قشر بيض
واحد راكن
حد عامل فرش خضار او اى شىء بالذات على الزراعى
بصراحة رد مقنع انى حد بيطلع رحلات اقل حاجه 200 او 300 كيلوا لازم يمشى فى السالك لانى لو معملش كده مش هينجز فى سنته.

و بقوله طيب يا ابوو أحمد بتجروا بسرعات عالية ببقى ماشى 120 ولاقى مقطورة او تريلا جايه من جامبى طيران .
قالى الطريق هو اللى تعبان و اغلب العجل الجديد بيكون بروحه(بروحه يقصد العربيات دى بتجرى جامد ) و فى اغلب الاحيان الواحد بيبقى عاوز ينجز.
طيبا ايه اكتر حاجه بتزعلك على الطريق قالى بنفس
" اللفظ العيال بتوع الملاكى اللى بيلعبوا بالعربيات".
صراحة برضوه الراجل عندهه حق ولو حد فكر للحظة انه سايق حاجه بالحجم ده اكيد مش بيحب يدوس فرامل كتير بالذات لو محمل حمولة تقيلة.
ده الحجات اللى فاكرها من كلامه
و طبعا فى الاخر عربيتى نزلت و انا خت بعضى و مشيت
و هو ده كان جزء من يومى مع حد اكيد كلنا نفسنا نتكلم معاهم خصوصا انى الفئة دى من السواقين نادرا لو لقيت ليهم فى الانترنت.