|
السلام عليكم ورحمة الله وبركاته
السلام عليكم ورحمة الله وبركاته اولا كل سنة وانتم طيبين ثانيا انا عضو جديد فى المنتدى ومشترك تقريبا فى نص رمضان وصراحة اتعلمت حاجات كتير جدا جدا وبجد ربنا يبارك فيكم جميعا وحسيت ان فعلا هنا فى ناس محترمين وفى صداقات وحوارات مابينكم كتيرة كان نفسي اشترك فيها لكن انا كنت لسة بدور على عربية اشتريها ومواضيعكم فى المنتدى ماخليتنيش الحق اكتب وخصوصا ان انا زيرو فى موضوع العربيات . الحمد لله رب العالمين ربنا اكرمنى واشتريت عربية 128 موديل 90 بس لسة بتعلم السواقة ، وحبيت اكتب الموضوع دا لان انا حابب اشارككم الحوارات والمواضيع اللى بتفتحوها مع بعضكم لكن ماحدش يضحك عليا لان انا خبرتى فى العربيات معدومة تماما :fun_36_3_11[1]: |
رد: السلام عليكم ورحمة الله وبركاته
يا باشا مصر موتورز كلها نورت بيك
اهلا بك فى عالم مصر موتورز صديقك يونج هههه قصدى يحيى اشرف :fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]: |
رد: السلام عليكم ورحمة الله وبركاته
ربنا يخليك يارب يا استاذ يحي مش عارف ليه وانا عمالى اقرا فى المواضيع وكدا شايف ان الاغلبية العظمي بتشتكي من الفيات 128 وعلى الرغم انى مش بعرف اسوق قوى او كمان لسة ما عاشرتش العربية بس وانا قاعد فيها حاسس انى واخد راحتى وكمان صوت الموتور مش عالى والغيارات سهلة وكدا يعنى |
رد: السلام عليكم ورحمة الله وبركاته
اهلا وسهلا ومرحبا يا ابو رقيه عضو جديد فى منتدانا . ومبروك على العربيه وربنا يسترها معاك اما بخصوص الـ 128 لمبتدئى السواقه فهى الانسب وافضل من الـ 127 نظرا لان ابعادها تقريبا بتكون مساويه لمعظم العربيات الاعلى او قريبه منها
|
رد: السلام عليكم ورحمة الله وبركاته
اهلا بيك ياباشا وكنت عايز اخد رأيكم فى حاجة الا وهى انى عندى هاجس غريب كدا ما روحش بالعربية اى مكان بعيد وخايف دايما اروح بيها مشوار او حتى ابعد عن البيت محطتين ولا حاجة وخايف يحصل فيها عطل او تقف منى ما اعرفش اشغلها لاقدر الله وانا مش بفهم الألف من كوز الدرة فى العربيات غير السواقه ، فاعمل ايه وتنصحونى بأيه الله يكرمكم |
| الساعة الآن 05:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017