مصر موتورز مجتمع السيارات - مشكلة في الكيا شوما ارجو الافادة

بسم الله الرحمن الرحيم

اقتباس:

المشاركة الأصلية كتبت بواسطة zomprakes (المشاركة 510439)

السلام عليكم اخواني وعليكم السلام ورحمة الله وبركاته انا اشتريت كيا شوما امبارح ألف ألف مبروك على العربية وربنا يديك خيرها ويكفيك شرها إنشاء الله العربية الي حد ما حالتها كويسا بس العربية لما بدور وانا واقف بترجر و الدركسيون بيهزهز كدة لما ابقي عال P او ال D اجيبها عال N تهدي و تبقي طبيعي طيب هل دا بيحصل معاك كل مرة تيجي تدور فيها العربية ولا دا بيبقى في أول دوارة بس الصبح ياعني في نص اليوم لما تكون العربية أولردي سخنة وبطلتها وجيت تدورها تاني بيحصل نفس الرجة وهل الرجة دي ملحوظة قوي ياعني تخوف؟ كمان أنا بس عايز اقولك إني دا طبيعي لأني ال P,D دول وضعين التعشيق ودا طبيعي إني الماتور لما يتعشق ترنيمته تبقى غير الماتور الي متمور حتى لو الفتيس مانيوال دا غير ان و انا بجيب ال R بسمع صوت نقرة الي هو بسمع صوت الترس و هو بيتحرك ارجوووووو المساعدة انا لسة جديد في الكلام دا

طيب ممكن لو سمحت تقدر توصفلنا إنتا دي أول عربية اوتوماتيك تجربها ولا كان ليك سابق تجربة مع حاجات أوتو قبل كدة ياعني علشان نعتمد على تقييمك للأصوات وتنبيهاتك لأنك ممكن تكون مستغرب الوضع بس.
ثانيا لما تكون العربية مستعملة وأنا مش الي راكبها من المعرض فيه شوية حاجات كدة لازم تتعمل زي (تغير زيت الماتور والفتيس والفرامل لو ناقص زوده تغير البوجيهات وتشيك على سلوكها تغيير سير الكاتينة والدينامو الكشف على حالة الكاوتش...) حاجات زي دي كدة يمكن لو غيرت زيت الفتيس حاجات كتير ترتاح معاك من الأصوات دي.