مشكله فى الافيو
 

السلام عليكم و كل عام و انتم بخير
ان عندى افيو سبيشيال كورى(Air bag& ABS& Car kit) بس فيها شوية مشاكل مطلعه عينى:
1-العفشه ناشفه جدا و بتزيق
2-صوت تكتكه ناحية الشمال جنب الدركسيون
3-رعشه فى العربيه على سرعة 100 و اثناء الفرمله
4- العربيه بتحدف
ياريت لو حد عنده حل يفيدنى

رد: مشكله فى الافيو
 

اغسل شاسيه نشف بالهواء رش علي كل جلب المقصات و بار الميزان و جلب السوست و المساعدين يعني كل العفشة تقريبا wd40
اظبط زوايا و ترصيص
اكشف علي الطنابير الامامية

رد: مشكله فى الافيو
 

العربية محتاجة ترصيص و ظبط زوايا و الرعشة و الحدف هيختفى تماما
..

رد: مشكله فى الافيو
 

اشكركم على الاهتمام لكن انا ظبطت الطنابير و رصصت و ظبطت زوايا و لسه فى سنة رعشه و الحدف زى ما هوه بالاضافه لصوت تكتكه ناحية الشمال فى التابلوه وكل الشغل ده فى التوكيل

رد: مشكله فى الافيو
 

الحدفة ازاى بالظبط ؟ لانها لو ساعات تحدف يمين و ساعات شمال يبقى كده الزوايا مظبوطة
اما الرعشة فمستحيل تختفى موجودة فى كل العربيات من درجة لا يمكن ادراكها الى درجات سيئة
لان السرعة الحرجة للعجل تقريبا من 110 ل 140
على العموم وارد يكون فى جنط معوج
و وارد الكاوتش نفسه عامل عالى و واطى و ممكن يكون سبب برضه للحدفة