مشكلة كبيرة مش عارف أعمل فيها ايه
 

انا معايا ابيزا 2001 1400 سي سي, المهم كنت مسافر عند اهلي اول رمضان وخارج بالليل لقيت العربية بتسخن, المهم ركنت وحطيت مياه وقلت اكيد انا نسيت احط مياه من زمان مشيت 100 ميت كمان ولقيت العربية سخنت تاني, بطلت العربية وانا طبعا مش بفهم فى الميكانية ولا الكهرباء المهم كلمت حد فى التوكيل قالى فى الغالب ده الترموستات وبسيطة إن شاء الله, الناس اللى معايا قالولى ده موضوع بسيط وعشان تعرف تسافر بيها ومتعملهاش معاك وانت مسافر نجيب كهربائي يبص عليها ودى كانت غلطة عمرى انى موفقتهم.
الكهربائي بص فى العربية وعمل حاجتين الاولى شال فيشة الترموستاس وحطها تانى الحاجة التانية عمل قافله للمروحة وبسلكتين وخلاها تشتغل على طول,
دورت العربية لقيت لمبة epc منورة باستمرار وعداد الحرارة والبنزين واقفين وادوس بنزين مفيش بنزين, الار بي ام عالي شواية
بس العربية بدور وتمشى على السلانسيه عادى وتأخذ ال 6غيارات
رحت لكهربائي قالى هاتي ضفيره كاملة وبوابة وحساس بنزين ونجرب ولو طلعت حاجة سليمة تبقى معاك فى العربية هتحتاجها بعدين
وطبعا انا مستحيل اكلف نفسى 1500 جنيه عشان سياته يجرب
ياريت لو حد حصل معاه الموضوع ده قبل كده وعرف السبب يقولي, او يعرف مركز كويس فى الهرم او الدقي عشان مش هعرف امشى بالعربية مسافة كبيرة على السلانسية

رد: مشكلة كبيرة مش عارف أعمل فيها ايه
 

شيك علي علبة الفيوزات اللي في الكبوت لانها بتعمل قفلا وحصلت معانا قبل كدا مرتيين
واي كهربائي فاهم بعمل كوبري عليها وبتشتغل تمام
والعلبة دي مسئولة عن مروحة الردياتير والتكيف وبيبقا عليها حمل فبتتحرق

رد: مشكلة كبيرة مش عارف أعمل فيها ايه
 

الراجل ده هايجيبلك من الأخر
http://www.**********.net/Nile/228385-a.html

رد: مشكلة كبيرة مش عارف أعمل فيها ايه
 

أسمه : زكريا الهواري
عنوانه : أرض اللواء تطلع الكوبري اللي في أخر جامعة الدول و تنزل يمين هتلاقي بعد حوالي 50 متر محل عصير قصب على الشمال تدخل الشارع ده بعد حوالي 6 شوراع يمين في يمين و انا أول مره روحتله كلمته و قولتله أنا فين و جه خدني
تليفونه : 0102765068

رد: مشكلة كبيرة مش عارف أعمل فيها ايه
 

ألف شكر ياباشا الراجل ده فعلاً مشكلة رحتله وظبتلي العربية وعرف العيب بسرعة.
والمشكلة عندي كانت فى الكنترول وهو قالي متشتريش واحد جديد انا هصلحلك القديم غير مقومتين فيه ونزله سوفت وير ووصله والعربية بقت تمام
ونصيحة ياجماعة اى حد عنده مشكله في كهربة عربيته يروح للراجل ده