هذا حدث بالفعل
 

الموضوع الي بعمله ده حصل بجد و بحكيه علشان الواحد ياخد باله
دكتور زميلي في الشغل مسكته سخونيه 4 ايام و مش عارفين سبب
دور برد لا مش دور برد طب ده ايه
و فضل جاي على نفسه و محاليل و مسكنات و خوافض للحراره و مافيش فايده
المهم كشف جراحه و حكالي القصه من اولها
مره اتعشى من بره و دخل الحمام و فيه الم شديد في عمليه التبرز و مش عارف يتبرز
و اكتشف ان السبب زجاجه واقفه بعرض فتحه الشرج
و الموضوع خلص على ان دي ازازة و خلاص
و الموضوع يكمل بالم شديد جدا و مش بيخش حمام من خوفه من الالم
و دكتور الجراحه يكتشف سبب السخونيه
ايه خراج كبيييييييييييير من النوع الفاخر سبب هذه السخونيه
عمل العمليه و فضينا الخراج و جايب صديد كتير
المهم ربنا ستر على قد كده
انا حكيت القصه دي علشان ناخد بالنا من الاكل الي بناكله من بره ماعدش فيه امانه واهميه مضغ الاكل جيدا قبل البلع علشان دي اكيد اتظلتط ماتمضغتش كويس و طبعا استهتار بصحه الناس و استعباط مالوش نهايه
مش كفايه زيت العربيات الي بيقلوا بيه لا و ازاز كمان
حسبي الله و نعم الوكيل بجد في العالم دي

رد: هذا حدث بالفعل
 

يا ساتر يارب ..... و بالشفا لصاحبك ان شاء الله ,,, بس بعد اذنك يا دوك تقولنااكل فى انى مطعم علشان الناس تاخد بالها ...... و شكرا للتحذير

رد: هذا حدث بالفعل
 

ماهو ده الي هايجنني اني مش هارف المطعم ده فين
الي اعرفه انه في دمياط فين بقى مش عارفين لاننا بنبتعت العامله تجيبلنا اكل

رد: هذا حدث بالفعل
 

شكراً يادكتور على التنبية المهم والف سلامة على صديقك ptmnlo123per144

رد: هذا حدث بالفعل
 

يبقى العامله لعبت لعبه الأنتقام الزجاجى فى الساندوتشات علشان رفضتوا تدوها العلاوه و دى شكلها كانت ساندوتشاتك بس هو طمع فيها يا باشا ههههههههههه
بهذر طبعا و اوعى تزعل .....