مصر موتورز مجتمع السيارات - الحمد لله اشتريت عربيتي انهردة

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - الحمد لله اشتريت عربيتي انهردة (https://www.masrmotors.com/vb/showthread.php?t=65357)

الحمد لله اشتريت عربيتي انهردة

باركولي انا الحمد لله اشتريت عربيتي انهاردة بعد لف ودوران هي عربية فيات سيينا 2001 و cc1400 فابريكة دواخل وكاملة مانيوال والسعر 32500 يا ريت اصحاب الخبرة يفيدوني هل السعر دة كويس بالنسبة للعربية وعايز اعرف اسعار قطع الغيار بتاعتها وايه هي اهم مشاكلها

رد: الحمد لله اشتريت عربيتي انهردة

السلام عليكم
اولا الف مليون مبروك على العربيه

بالنسبه للسعر
فده السعر بتاعها بالظبط متقلقش

السيينا ال 1400 كمجمل كويسه
اساسياتها موتور و فتيس ممتاز .. ناعمه جدا و سحبها ممتاز بالرغم انها 1400 سي سي 8 صباب
ثبات متوسط على السرعات لأن اغلب وزن العربيه قدام .. وشنطه طويله
العفشه خفيفه شويه ...

التقفيل مصري طبعا وفيه عيوب التجميع المحلي .. كمثال كاوتش الابواب ممسوك بكلبس بلاستيك ..
قطع الغيار متوفره وموجوده لكن طبعا مش زي الاكسنت او الانوس سواء كتوافر او اسعار
ونفس الكلام بالنسبه للصيانه ..

الشنطه واسعه جدا جدا .. 500 لتر .. لكن على حساب الكنبه .. ضهرها واقف و اللي يقعد ركبه حتكون في ضهر اللي قاعد قدام

رد: الحمد لله اشتريت عربيتي انهردة

الف الف الف مبروك :THUMBS~220:
ربنا يباركلك فيها

رد: الحمد لله اشتريت عربيتي انهردة

مبروك على العربية وربنا يديك خيرها ويكفيك شرها

رد: الحمد لله اشتريت عربيتي انهردة

الف مبروك ربنا يباركلك فيها ان شاء الله ...انت بس كشفت عليها ولا لسه وعامله كام الف كيلو؟