مصر موتورز مجتمع السيارات - مشكلة بالفرامل ونفسي حد يسمعنى

عندى عربية bmw 518 1980 راكب عليه ماتور bmw 1993 m40
المشكلة كالاتى
الفرامل مشس مظبوطه رحت لميكانيكى ياخد هواء قالى ان مسامير الهواء مكسورة فى الخزنة والعمل هفكهم اوديهم المخرطه وكله هايبقى تمام بالفعل علشان لا اطيل عليكم الخزن باظت خالص
المهم جيبت خزنتين استيراد زى الفل
ركب ياباشا وخد هواء براحتك
جرب تمام
فى اليوم التالى العربية بدات تتقل وانا ماشى ودواسة الفرامل بتحجرلحد مابقت حجر ولا تتحرك مع ضغط رجلى
وقفت العربية بطلتها شوية البدال رجع لحاتة ومشيت بالعربية ونفس المشكله رحت تانى قالى دة عيب سرفو اوكية فك السرفو لاقى فية زيت باكم اوكية نظف الطاقية الكاوتش وبدره ببدرة تلك قالى علشان الجلدة تتظبط معاك قلت ماشى جرب عربيتك تمام اوكية
تانى يوم نسخة بالكربون من اليوم السابق
رحت تانى
قالى السرفو سليم قلت انت متاكد قالى يابية السرفو مابيبوظ فية غير الطاقية الكاوتش ودى سليمة عندك
العيب عندك فى الماستر
دورت على ماستر زى اللى عندى خمسة ماسورة ملقيتش غير ماستر 6 ماسورة الواد فى المحل قالى طبب واحدة واشتغل بالخمسة تمانم
للعلم الماستر عندى كالتالى خمسة ماسورة ماسورتين للخزنة اليمين امامى وماسورتين للخزنة الشمال امامى وماسورة على مشترى للعجلتين الخلفيتين ده وضع بلادها مع وجود 3 مسامير هواء فى كل خزنة
نرجع للموضوع
جبت الماستر اتفضل ياباشا ركب شغل تمام تمام جرب تمام حصل نفس الفلم تانى والعربية بتقفش لوحدها وانا ماشى وهاكذ
فى النهاية فك جميع بساتم الخزن ونظفهم كويس قال ايىة ممكن يكونو هما المشكلة وبالفعل وكالعادة حصلت نفس المشكلة
كنت لما بتكلبش بفصل العربية شوية واشيل الخرطوم الواصل بين الماتو والسرفو تشتغل تمام وفضلت على هذ الموضوع فترة الى ان اصبحت السيارة تمام لوحدها ومتقفش زى الاول بس الفرامل تعبانة وبتهرب يعنى فجاءة تلاقى البدال نزل للاخر واحس ان سرعة العربية ازدادت وفجاءة تتعدل لوحدها رجعت لميكانيكى قالى ماستر عمومى قلت انا لسة جايب الماستر قالى غير جلد فعلا غيرت جلد وازدادت الحالة سواء الفرامل اصبحت واطية جدا اخدلها هو تتظبط وامشى بيها توطى تان وتهرب اصبحت الان بتهرب مابين 10 دوسات على الفرامل بتهرب 7 او 8 وربنا يسترها
انا بجد زهقت من الفرامل ومش عارف اعمل اية
وللعلم قبل ميحصل الكلام دة كانت الفرامل بالمر وانتم تلمون فرامل bmw وللاسف دة اللى مزعلنى
للعلم الزيت فى العلبة كما هو لا ينقص ورغم ذلك الفرامل بتهرب وعند الضغط على الفرامل والعربية واقفة الماتور كله بيلخبط ويعلى ويوطى
انا اسف على الاطالة بس انا حاسس ان انا استريحت لما اتكلمت