الحيرة هتموتنى انقذونى
 

بسم الله الرحمن الرحيم
يا اخوانى انا تعبت من الحيره انا حابب الاسبرنزا بس فى مقلات كتير مخوفانى منها بس والله انا مومن ان الصينى فيه حجات جميله جدا انا معيا موبيل صينى بعد ما كنت شايل نوكيا اصلى لمدة 7 سنين بس الصينى استحملنى كتير وشغال معى زى الفل والصين بتصنع دلوقتى كل حاجه للعالم كله بس انا محتار بينها وبين الفيرنا والانوس
وخصتا انى هعتمد عليها فى شغل كتير ومشواير كتيره جدا طول اليوم يعنى العطله تخسرنى وتخرب بيتى وكلام الاعضاء مش مريحنى وانا امكنياتى مش سامحه انى اجيب حاجه غير وحده من الثلاث انواع دول 516 او الفيرنا او الانوس
احترت بجد ومش عايز حاجه تعزبنى وتقوم معى بالواجب وشكرا خصتا انها هتبقى خدمه شاقه بجد ... ارجوكم افتونى :CHUBBY~36:

رد: الحيرة هتموتنى انقذونى
 

بص يا زعيم انا مش هقولك الصيني وحش والكلام ده بس الحقيقة اللي محدش يقدر ينكرها ان الصيني عامل زي البطيخة يا تطلع حمرا وتريحك ومتشتكيش منها في اي حاجه

يا تطلع قرعه وتطلع عينك تالت ومتلت

فانا رأي لو هتغامر يبقي اتكل علي الله وهات ال 516

لكن لو المضمون يبقي الفيرنا طبعا هتجيبها وتنساها بأذن الله

وصلي صلاة استخارة وشوف كدا الاصلحلك واعمله

رد: الحيرة هتموتنى انقذونى
 

مشكور موضوع الحظ فى العربيات دا بيقلق وبرده الفيرنا والانوس مقلقينى برده كلهم بيقول نفس الكلام مهو انا هجنن من قليل

رد: الحيرة هتموتنى انقذونى
 

عندك حق مين يقول ان الفيرنا فى المضمون اخر انتاج للفيرنا 2012 وبعد كده خلاص ومن الاخر انا شايف لو انك عايز عربيه كماليات وثبات على الطريق اسبرنزا طبعا لو مش فارقه معاك حكايه الثبات على الطريق ولو محمل اثنين تقال فى ورا تلاقى العربيه على الارض ولو لقيت مطب عالى شويه تشيل الهم وتفكلر هتعديه ازاى من غير ماتحك يبقى الفيرنا

رد: الحيرة هتموتنى انقذونى
 

بيقولو ايه حضرتك عن الفيرنا والانوس

العربيتين دول بالذات مفيش فيهم كلام لاني اغلبية العيالة والاصدقاء معاهم العربيتين دول ومحدش اشتكي منها في اي حاجه وانا معايا الفيرنا والحمد لله مفيش منها اي مشاكل تذكر من يوم ما اشتريتها

خليك في المضمون طالما حضرتك مقلق كدا وميغركش الاوبشن