ايهما افضل الاسطوره الالمانيه( مرسيدس) ام الوحش الامريكي(شيروكي
 

الي اهل الخبرة عموما واستاذ حازم واستاز احمد خصوصا ساعدونا
لو امكن توضيح عيوب الشيروكي مو التسعينات والمرسيدس مو الثمانينات
وايهما افضل ولو في ثالث لهما يبقي محبوبتي فولكس كروس فوكس عربيه جامده
بس بردو معرفش عيوبها ايهptmnlo123per122

رد: ايهما افضل الاسطوره الالمانيه( مرسيدس) ام الوحش الامريكي(شيروكي
 

انا راى اركب الشروكى احسن الشروكى سيارة الطرق المصرية بس الاستابلتى بتاعها مش عالى فى الطرق السريعة عشان كدة الكوتش بتاعها لازم يكون عريض واعرض ماس بس الشروكى احسن من المرسدس

رد: ايهما افضل الاسطوره الالمانيه( مرسيدس) ام الوحش الامريكي(شيروكي
 

مع احترامي لك مافيش وجه مقارنة اصلا بين المرسيدس والشيروكي وماينفعش تقارن بين الملك وبين الخدم يبقى عيب ......................
وثانيا اية حلاوة الشيروكي عالي بس على الفاضي لا ثبات ولا امان ولا انسيابية بصراحة كله عيوب وكمان حرارة ومعقد ومشاكله كتييييييييييييرة

والمرسيدس سيارة الملوك

وطبعا بنز قال ( مــــــــــا اعظـــــــــــم ان تــــــــــكون ملـــــــــــكا) والملك لله لاشريك له


بس انت حاول تركب مرسيدس موديل السبيعينات مش موديل عالي وانت تعرف ان المرسيدس مايحتاج كلام
وشهادتي مجروحة بحق المرسيدس



ولو عرفت معنى شعار المرسيدس تعرف السبب انها سيارة الملوك
واسف على الاطالة ولكن لاتقارن الملك بالخدم








مع تحياتي وتقبل مروري

رد: ايهما افضل الاسطوره الالمانيه( مرسيدس) ام الوحش الامريكي(شيروكي
 

اولا الفئات مختلفه اصلا لذا لا يجوز المقارنة بين العربيتين

الشيروكي دي عربية صحراء مش عربية مدينة و كونها عفشتها قوية او كده ده مش مبرر انها تبقي الاحسن للطرق المصرية

المرسيدس مينفعش تتقارن بالشيروكي اصلا اولا لاختلاف الفئات ثانيا لان مرسيدس هي سيارة الصفوة و اللي ركب مرسيدس فعلا هيعرف معني الكلمة دي حتي لو كانت مرسيدس 200 اللي هي 2000 سي سي و تعتبر من اصغر المحركات بتاعت مرسيدس في الوقت ده او اصغرهم بالفعل

مرسيدس=(برستيج-اداء-اعتمادية-ثبات) قوة لا تضاهي علي الطريق لحد دلوقتي عربيات مرسيدس تمانينات تبقي عللي الطريق عربيات 2009 مبتعرفش تعمل معاها حاجة

الكروس فوكس علي فكرة عربية دفع امامي عاديه جدا و برازيلي مش الماني تكنولوجي الماني تصنيع برازيلي

رد: ايهما افضل الاسطوره الالمانيه( مرسيدس) ام الوحش الامريكي(شيروكي
 

مرسيدس طبعا يا باشا ... من غير تفكير كتير ,,,
زى ما قالك الاخوة الكرام... مايعرفش قيمة المرسيدس الا اللى ركبها و شاف اداءها فى مختلف المواقف و الظروف و الكلام ده عن تجربة مرسيدس تلات سنين و امريكانى تلات سنين... لو تقدر تركب مرسيدس اوعى تتنازل عنها...
بس عموما اهم حاجة الحالة