مصر موتورز مجتمع السيارات - ايهما أفضل بونتو ام ابيزا

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - ايهما أفضل بونتو ام ابيزا (https://www.masrmotors.com/vb/showthread.php?t=60882)

ايهما أفضل بونتو ام ابيزا

السلام عليكم ورحمه الله وبركاته

ازيكم يا شباب

عارف اني متقل علي المنتدي بأسألتي وحيرتي وتشتتي بين انواع السيارات لكني أحتاج مشورتكم لاني قررت شراء سياره وبقارن وبتريث قبل الاقدام لان دي اول سياره لي
الان انا بقارن بين سيارتين اخريتين امامي بونتو 95 وابيزا 94
البونتو 1300 سي سي والابيزا 1600 gls
طبعا بفرض ان الاتنين حالتهم نظيفه يا تري أنهي افضل
هما الاتنين عارضين بتلاتين....فهل هذا السعر جيد ...وما هو أفضل سعر لهم
وما هي أهم شئ التفت اليه عند الفحص
وايه اخبار قطع الغيار كأنتشار ....زوايه اخبار فهم الميكانيكيه ليهم

عايز اعرف انهي أحسن لان ناس تقوللي الابيزا وناس تقوللي البونتو
أفيديوني أفادكم الله

رد: ايهما أفضل بونتو ام ابيزا

السيارتان من السيارات الجيدة جدا كا عتمادية وسعر بيع معقول بس البونتو فيها عدة نقاط تميز اولا استهلاك بنزين رائع يصل ل 7 لتر لكل 100 كم علي الطرق السريعة لو منظومة الانجكشن سليمة
بها باور ستيرنج الابيزا ال 1300 سيس يسي ما فيهاش باور انما لو متسقطلها موتور 1600 اكيد فيها باور
االبونتو ال 95 حا صلة علي جائزة احسن سيارة في فئتها لهذا العام
قطع الغيار متوفرة بالنسبة للاثنين بس قطع غيار الابيزا ارخص من البونتو
انا لو ادامي الاتنين هختار اللي حالتها العامة افضل كمحرك وعفشة وسلامة البدن من الصدمات
نقة تالتة البونتو واطية شوية فعايزة تاخد بالك من المطبات العالية خصوصا لو العربية فيها حد ورا بعكس الابيزا عالية عن الارض بشكل معقول جدا

رد: ايهما أفضل بونتو ام ابيزا

الألمانى قصاد الإيطالى ، مين يكسب ؟؟ !!
رأيى إن الألمانى يكسب يا فندم ..

رد: ايهما أفضل بونتو ام ابيزا

مين قال ان الابيزا المانى
يا باشا دى صناعه اسبانى ممكن يكون منها انواع بتتقفل فى المانيا

انا راى البونتو تكسب و قطع غيارها متوفره و رخيصه و معمره

كمان البونتو اخذت جائزه افضل سياره لعامها فى اوروبا
تخيل لما اوروبا تقول كده مقلوش ليه الابيزا افضل سياره لهاذا العام

توكل على الله على البونتوFLASHCar