|
تعالو نشوف بقينا عاملين ازاي بعد الثورة
في البداية احب افكركم بأننا كنا قبل الثورة دايما بنقول جملة مشهورة اوي لما بنشوف اي مصيبة والجملة ديه اسمها ( يبقي انتا اكيد في مصر ) فاكرين الجملة ديه
تعالوا بقا نشوف بعد الثورة الجملة ديه بقيت بتتقال علي ايه بالظبط لما نجم الجيل في هذه اللحظة العظيمة من تاريخ مصر, بقي عصام شرف مش تامر حسني يبقي انتا اكيد في مصر لما رئيس وزراء دولة يصلي جنبك في التحرير ع الرصيف, يبقي أكيد انت في مصر يبقي انتا اكيد في مصر لما تلاقي بنتك عايزة تبقى شهيدة زى اللى شافتهم وهم بيموتوا فى الشوارع يبقي انتا اكيد في مصر لما ميدان يضم أسمي وأجمل أخلاق .. وهتاف مسلم ومسيحي ايد واحدة يبقي انتا اكيد في مصر لما تلاقي مسيحي فى الميدان بيزعق االله اكبر عشان اللي قاعد ورا و مش سامع الإمام يبقي انتا اكيد في مصر لما الناس لسه لاقية تاكل في بلد بتتنهب بقالها 30 سنة يبقي انتا اكيد في مصر لما ابوك يسيب اخبار التلفزيون ويجي يقولك شوفلي الناس بتعمل ايه علي تويتر والفيسبوك يبقي انتا اكيد في مصر لما كنت زمان عندي القدرة إني اتفرج علي 3 ولا 4 ماتشات كورة ورا بعض و مزهقش.. و دلوقتي ازهق من شوط واحد يبقي انتا اكيد في مصر لما الجيش يبعت لك مسجات أكتر من خطيبتك يبقي انتا اكيد في مصر لما جميع طوائف المجتمع بمافيهم الإخوان المسلمين يجتمعوا بالمجلس العسكري وأمن الدولة يصبح تنظيم محظور يبقي انتا اكيد في مصر لما أهلك يفتخروا بيك قدام الناس ويقولوا دا مش بيقوم من عالفيس بوك... بعد ما كانوا بيقولوا دا مضيع وقته على النت يبقي انتا اكيد في مصر لما العالم كله هيتابع السباق الرئاسي كأنه انتخابات امريكا يبقي انتا اكيد في مصر لما تلاقي 80 مليون سياسي و 80 مليون محامي و 80 مليون ناقد و 80 مليون مدير فني و 80 مليون حكم و 80 مليون محلل 80 مليون عالم دين في وقت واحد. يبقي انتا اكيد في مصر |
رد: تعالو نشوف بقينا عاملين ازاي بعد الثورة
:fun_36_3_9[1]::fun_36_3_9[1]::fun_36_3_9[1]::fun_36_3_9[1]: من هنا ورايح هنقول هيه دى مصر ومش هنقول هيه دى مصر يا عبله |
رد: تعالو نشوف بقينا عاملين ازاي بعد الثورة
الله ينور عليك يا كومندا يا كبير
|
رد: تعالو نشوف بقينا عاملين ازاي بعد الثورة
مش عارفه ليه كل ما تشوف او اسمع او احس ان مصر اتغيرت وبقيت كده ببكي واعيط بحرقه اوي
علشان كان نفسي الناس اللي ماتت دي تشوف احنا بسببهم وصلنا لفين بحبك يا بلدي بموت في ترابك وعمري ما كنت عارفه اني بعشق ارضك كده يارب احفظ مصر شكرايا كورسير اعمل فيك ايه بس خلتني ابكي :crying::crying::crying: |
رد: تعالو نشوف بقينا عاملين ازاي بعد الثورة
الشهداء دلوقتي الحمد لله موجودين في منزلة اي حد يتمنها دلوقتي وربنا يرحمهم وان شاء الله اللي جي احسن وشكرا يا مرمر علي مرورك الكريم :CONGRA~238:
|
| الساعة الآن 06:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017