صني و لا النترا
عايز مساعدتكم
أنا معروض عليَّ عربية الانترا 2009 اوتوماتيك ماشية 35000 كيلو بسعر 80000 جنيه وممكن اشتري صني زيرو بـ 84000 جنيه اختار إيه ؟ |
رد: صني و لا النترا
يا راجل ده كلام
محتار في إيه بس ؟ أنا مش هتكلم عن عراقة شركة نيسان و قدمها لكن هتكلم عن النقاط الأتية : 1- الصني سياة إعتمادية جدا ( بالبلدي حمالة أسية ) 2- قطع غيار معمرة و بتعيش 3- سيارة ياباني ( التقفيل و المكون المصريبها محدود ) ( كراسي - كاوتش الأبواب - سماعات ........... أشياء غير مؤثرة ) 4- سيارة ياباني ( شوف حضرتك الموديلات الياباني من الثمانينيات و حتي الأن ماشية و مطلوبة في سوق المستعمل 5- إنتشار السيارة بالسوق المصري خلال فترة وجيزة له دلالات كثيرة 6- توكيل و لا أروع 7- مافيهاش مشاكل صناعة تذكر و ثابتة مع السرعات الكبيرة و زنها 1100 كجم و موتورها حدث و لا حرج أنا بجيب بالعربية 180 كم ( و الله و لا أكني ماشي علي 80 كم ( أما الإلنترا خفيفة و غير متزنة علي السرعات العالية و فيها عيب صناعة بعلبة الدركسيون ا لذي يتعدي سعره 13000 جنيه ) 8- كفاية إنك هتركب عربية زيرو مش محتاجة أي مصاريف فعلا و الفرق 4000 جنيه مش كتير في مقابل عربية زيرو إنت أول واحد يركبها و الله ولي التوفيق |
رد: صني و لا النترا
اقتباس:
معاك حق في كلامك و أنا اقتنعت بيه بس اللي مخوفني حتة التقفيل المصري انا سمعت ان في مشاكل في العزل و سمعت ان العربية بتعوم على 160 |
رد: صني و لا النترا
انا جبت بيها 160 . بي انا عموما مليش في السرعات العالية عشان بخاف :pty:.بس هيا مش بتعوم ولا حاجة ممكن علي 170-180 .بس مين الي عايز يمشي علي سرعة زي ده.
التوكيل الي بتعامل معاه هو مركز السبع ممتاز. غير كده فرضا لو معجبكش في توكيل المحمل و مودرن موتوز و يونايتد جروب .انما النترا هو غبور . وانا جربت غبور ومنصور :w6w2005041122473461.الات نين تحش انهم بياخدو فلوس وخلاص بدون متحس ان في حاجة حصلت في العربية. التقفيل المصر مش سيء وحتي الان لم اجد به عيوب والحمد الله . وهي فعلا حمالة اسية .تسارع جيد جدا بس مش زي الانترا بس كعزم صني اكبر . استهلاك البنزين والله مش عارف احدد بس انا شايفة طبيعي جايز في ناس ليها خبرة اكتر مني ممكن تفيد حضرتك . انا ركبي الالنترا في سمير الريان بس . العربية ممتازة كشكل داخلي ووسع اكبر من الصني . وفي النهاية من وجهة نظري انا شايف ان الاثنين كويسسين .بي الصني تفرق كتوكيل |
رد: صني و لا النترا
زي ما قلت لحضرتك التقفيل المصري مكوناته مش مؤثر ( كراسي - سماعات - كاوتش الأبواب .....) أما موضوع العزل مش زي ما إنت فاكر
و عالعموم قبل ما تشتري حاول تجرب العربية و صدقني مش هتندم |
الساعة الآن 03:10 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017