مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تعديل السيارات العــام (https://www.masrmotors.com/vb/forumdisplay.php?f=5)
-   -   استفسار مهم - ينفع اجيب عربية فاضية وتتظبط (https://www.masrmotors.com/vb/showthread.php?t=59690)

Megatronic 10-06-2011 03:08 PM

استفسار مهم - ينفع اجيب عربية فاضية وتتظبط
 
السلام عليكم ..

ازيكم يا جماعة , إن شاء الله تكون بخير ..

ونظراً لمبدأ المشاركة وانكم إن شاء الرحمن حتقدرو تفدوني, احب

اقولكم اني زهقت وفاضي بيا نهائياً .. عاوز اجيب عربية والمزنية مدمرة وكل شئ مش ماشي لذيذ

لذلك قررت اني اجيب نصر 127 وطبعاً بعد ما طلع عيني في المعاينة والكلام ده لقيت العربية يدوبك بتمشي وانا عاوزها بردو منظر..

الموضوع بدأ من زمان ايام ما كنت بسمع عن تظبيط التكاسي ملاكي و ب6000 جنيه .. وطلعت اشتغالات يعني !!

المهم انا قررت اني اجيب 127 بس تكون مثلاً فاضية او باايظة بسعر قليل مثلاً في حدود 1500 بالكتير اعتقد ممكن الاقي بالتمن ده يدوب بس شكل مش لازم تكون شغالة ..

وبالــ 8000 جنيه اظبطها - بمعنى بقى:

اجيب لها ماتور كويس - سروجي - وكوتش وجنوط وهكذا واعتقد كل ده حيبقى في الحدود 8000 لو حااجات في دماغي واعتقد بردو نضيفة وحتغنيني عن تظبيط العربية لمدة 5 سنين على الاكثر قدام ....

فايه رايكم ؟ وهل الكلام ده منطقياً يمشي واللي يهمني اكتر فعلياً .. هل ممكن يتحقق؟

ومين يقدر يفدني وازااي حيقدر .. وعمتاً انا متشكر جداً يا شباب واسف اني طولت عليكم ..

* انا من اسكندرية وعااوز اعرف سوق العربيات الخردة بالمرة بقى xD

مدام محمد 19-10-2013 10:24 PM

رد: استفسار مهم - ينفع اجيب عربية فاضية وتتظبط
 
مش عارفة بس الفكرة عجباني

ahmed el gendy 19-10-2013 11:45 PM

رد: استفسار مهم - ينفع اجيب عربية فاضية وتتظبط
 
لا طبعا كلام غير مقنع متزعلش مني 1500 جنيه مش تمن الاربع فرد كاوتش اللي فيها يا اما بقي انت بتتكلم عن عربيه من العربيات اللي بتبقي مرميه ف الشارع مصديه ومفيهاش غير بودي بس كده انت ناوي تبيع هدومك يا عم والعربيات لما تبقي ف الظاهر عاوزه الف جنيه اول ما تفتح فيها هتلاقيها بتصرف ضعف المبلغ فحاول تشيل الموضوع ده من دماغك خالص

ramy safwt 20-10-2013 12:02 AM

رد: استفسار مهم - ينفع اجيب عربية فاضية وتتظبط
 
انا الموضوع طالع فى دماغى اعمل عربية للسباقات بس و راصد ليها ميزانية 30 الف على مدى سنة و نص بفكر فى مكنة v 8 و نيتروز و سوبر شارجر من تصميمى و هيكل دودج او بيجو محروق و عافشة كامله سبور و انا هعمل الكهرباء و الايرو دينامك و البودى لأنى مش ناوى اعمل طلاء هحطله لون يترخص بأى حاجه رخيصه و بعد كده اشيله و اقلب كله شمواه اسود عشان تبقى كأنها جاكور كبير و طبعا هسلحها على مزاجى

ال 9 الاف دول نصيحة ممكن تجيب بيهم فيات او خنفسه عضمها كويس و ممكن تصبر اما تكون فلوس و تجيب سفينة 32 انا لسه شايف واحده على دوبوديزل ب 17 و نص 2000 سى سى

mr_astra 20-10-2013 10:08 AM

رد: استفسار مهم - ينفع اجيب عربية فاضية وتتظبط
 
الكلام دة راح زمانة لعدة اسباب
ولو فعلا حسبتها بالورقة والقلم واللى تملى الحسابات غير الواقع
فى الاخر هتلاقى العربية صرفت اكتر من تمن عربية بحالتها وبرضة فى الاخر اسمها عربية مشغولة
ثم انها عمرها ما هاتظبط معاك سمكرة وبوهية وميكانيكا وعفشة وسروجى وكهرباء
كل حاجة من دول هتاخد نسبة مئوية منها
يعنى ولا الشغل هايطلع عدل ولا قطع الغيار هاتعجبك وهاتصرف كتير والمحصلة فى النهاية عربية نص نص واغلى من تمنها الفعلى
بلالالالالالالالالالالاش


الساعة الآن 10:52 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017