ساعدوني في الاختيار ارجوكم
 

انا معايا 22 الف جنية وعاوز اشتري عربية ومحتار بين فيات 128 او فيات 131
مع الاخذ في الاعتبار اني ناوي اروح بيها الشغل والمسافه من البيت للشغل حوالي 40كم والطريق مكسر
ارجوكم ساعدوني

رد: ساعدوني في الاختيار ارجوكم
 

ولا دي و لا دي
أرشح لك سيارة أرخص و أقوى أوفر في استهلاك البنزين من الإثنين و هي بيجو 305 هذه السيارة المظلومة في مصر و هي ذات امكانيات و عفشة و موتور و أوسع من 128و 131 و عن تجربتي أنا الشخصية معها حيث أسكن في حلوان و عملي في المنيل كما أن محركها و آلات جرها أنعم بكثير من أي سيارة في عائلة الفيات

رد: ساعدوني في الاختيار ارجوكم
 

أعتقد ال131 أفضل لو الطريق طويل و مكسر, فهى اكثر احتمالا لأنها جر خلفى,
عموما ال131 أفضل من ال128 فى الأداء و المتانة و الاعتمادية, و ال128 أفضل فى قطع الغيار و سهولة الصيانة و نعومة القيادة و الثبات.
و أعتقد انو ال131 أفضل فى أداء من البيجو 305, البيجو 305 مش زى ال504, و مش اى عربية بيجو تبقى بقوة و احتمال و نعومة ال504, هذه السيارة فلتة مطلعتش تانى من بيجو, الا مع ال405, و منقدرش نقيس كل سيارات بيجو على العربيتين دول.

رد: ساعدوني في الاختيار ارجوكم
 

عزيزي فادي
احتراماتي
أنا أتحدث بناء على تجربة لكل الأنواع المذكورة الناس عملوا سمعة غير طيبة للبيجو 305 من ساعة ما جت مصر لكن بناء على تجربة و خبرة البيجو 305 أحسن من كلا المودلين و بها عفشة لا تتمتع بها أي فيات الموديل الوحيد اللي فعلا ممكن يكون أحسن من ال 305 هو 131 TC و الشهير في مصر ب131 2 كامة و لكنها مرتفعة السعر قد تصل لأكثر من 30 ألف جنيه و غير منشرة كثيرا

رد: ساعدوني في الاختيار ارجوكم
 

المبلغ دا ما يجبش 131 نضيفه ممكن تزود شويه صغيره و تجيب مازدا 323 نضيفه في رايي افضل من ال128
ابعد خالص عن ال 305 و لكن عن تجربه مع احدي اقاربي و بعض زملائي
عربيه فاشله الي ابعد الحدود و موتورها مش بيستحمل و بتكسر بساتم بسرعه
و شفت المشكله دي يجي في خمس عربيات مش عربيه واحده علشان اقول صدفه
و عربيه منهم كان بيجي الموتور و يركب و قبل نهايه السنه يكون البستم مكسور!!!!!!!!!!
مش معقول 5 مواتير ما فيهومش موتور سليم !!!!!!!!!!!!!!
+1
الله ينور يا باشمهندس فادي
و ما تنساش كمان الرائعه ال 505 ;)