رينو سانديرو...........حد معايا؟
 

انا حيرتكوا قبل كده مابين اللوجان والبيكانتو:hd:

ورحت واتفرجت ولقيت حاجه غرررررررررررريبه اوي ان تابلو البيكانتو معوج

وبصراحه اول مره اخد بالي انا مش عارفه ده عادي ولا ايه لاني افتكرته في الاول عيب عربيه

وانا واقفه ببص لقيت عربيه قدامها حلوه كشكل هي اكبر طبعا بس جديده بسال لقيتها لوجان هاتشباك هي نفسها بس باسم رينو سانديرو واغلي يعني ب71000 جنيه

انا بتخير مابين اللوجان دلوقتي والسانديرو ومش عارفه هل 6000 جنيه الفرق يرجحوا كفه السانديرو ولا اللوجان مع العلم اني حجيب اللوجان ب65500

والسانديرو برضه 1600cc يعني عاليه وبنزينهم واحد؟

GIFT4U

رد: رينو سانديرو...........حد معايا؟
 

(الأعضاء 25 والزوار 246)

كل ده عدد اعضاااااااااااااااااااء
ومفيش حد يفيدني؟:12422A~17:

رد: رينو سانديرو...........حد معايا؟
 

سانديرو اوسع و اقوى.

رد: رينو سانديرو...........حد معايا؟
 

دلوقتى الفرق ما بين السانديرو واللوجان هو الشكل فقط لا غير ...

يعنى الفرق فى السعر ده بسبب الشكل بس ..

عيب السانديرو الوحيد كعربية زيرو من وجهة نظرى هو صغر حجم الشنطة .. كعاده اى عربية هاتشباك ..

بس لو حبينا نبقى عمليين شوية ونفكر لقدام .. يبقى الافضلية للوجان (السيدان) .. وده فى حالة اعادة البيع لان شعبيتها اكتر ..
وكمان اعتقد هيكون قطع غيار السانديرو مش متوفره زى اللوجان .. طبعا اقصد القطع الخارجية (زى الصاج والفوانيس وما فيه اختلاف عن السيدان) ..



بس فى حاجة عاوز الفت نظر حضرتك ليها ...

اللوجان اللى بـ 65500 دى الهاف اوبشنز .. ودى منصحش حضرتك بيها لان فرقها ما بين الفل اوبشنز حوالى 4000 جنية فقط ..

ولكن بالـ 4000 جنية دول هتاخدى كماليات كتير جدا : كمبيوتر الرحلات الاكثر من رائع واللى انا شايفة اهم ميزه فى اللوجان -الازاز الكهربا الخلفى - فوانيس الشبورة - الايرباج - المرايات الكهربا - الريموت كنترول - شريط النيكل اللى ع الشنطة - السماعات الخلفية - امكانية رفع وخفض كرسى السائق ..

فرأيى حضرتك تيجى على نفسك شوية وتجيبى الفل اوبشنز .. وخصوصا ان صعب الكماليات دى تتركب بعد كده ....

رد: رينو سانديرو...........حد معايا؟
 

شكرا لحضراتكوا علي الاهتمام والرد