الفزعة لامبة بتشتغل وتطفى بين الاشارتين فى الطابلوه ومش عارف بتاع ايه
 

بسم الله الرحمن الرحيم

السلام عليكم ورحمة الله وبركاته

--

اشترينا نيسان صنى انبارح سوبرصالون 2006

بس فى مشكلة !

فى الطابلوه الاشارتين الشمال واليمين

بينهم لمبة بتأيد وتطفى لونها احمر بس للأسف مش شايف هى لامبة إيه لإن محطوط عليها لزقة من جوا ولازم العدادات تتفك وعلى ماتتفك فيها على الاقل بكرة

ارجوكم طمنونى اللمبة اللى بين الاشارتين الحمراء اللى حد مداريها دى تطلع بتاع ايه

رد: الفزعة لامبة بتشتغل وتطفى بين الاشارتين فى الطابلوه ومش عارف بتاع ايه
 

السلام عليكم ورجمة الله وبركاته
ازيك يا استاذ خالد
مبروك العربية يا باشا وربنا يديك خيرها ويكفيك شرها
انا عندي صني اي اكس صالون بالنسبة للمبة اللي بين الاشارتين هي لمبة حمرا وشكلها زي ما يكون فيه سواق عليه دايرة وبتور لمدة خمس ثواني او اقل هي لمبة الايرباج ودي بتاكد ان الايرباج سليمة ( وعندك انت طبعا فيه 2 ايرباج )
وأكد كمان علي لمبة في الطابلون صفرا دي بتاع الاي بي اس .
واي حاجة كلمني تحت امرك يا باشا.

رد: الفزعة لامبة بتشتغل وتطفى بين الاشارتين فى الطابلوه ومش عارف بتاع ايه
 

طب بتنور امتى و بتطفى امتى ...... على حد اعتقادى ... ممكن تكون للرعاش ... و ياريت تقول ظروف تنوريها ...... ولا ملهاش مواعيد ... الاسهل انك تسأل صاحبها ... ثم ازاى عربية 2006 صنى و يكون ع العداد من جوه لزق ..... ده معناه ان العربية دى مفتوح عدادها و ربما فيه مشكة او لعب ... العربية عاملة كام الف كم ؟؟؟ ... بس خلى بالك .. و ألف مبروك ع العربية يا باشا و ربنا يملاها لك خير .. و طمننا عليك GIFT4UGIFT4U

رد: الفزعة لامبة بتشتغل وتطفى بين الاشارتين فى الطابلوه ومش عارف بتاع ايه
 

رد: الفزعة لامبة بتشتغل وتطفى بين الاشارتين فى الطابلوه ومش عارف بتاع ايه
 

فعلا هو ممكن يكون الايرباج بايظ ولمبته معلقه عموما انت ممكن تبص في اي عربيه صني وتشوف اللمبه دي بتاعت ايه بس متقلقش طالما بعيد عن لمبة الزيت اصل اللمبات دي عادي ممكن تعلق وبعدين برضو العربيه 2006 يعني بقالها 5 سنين شغاله فممكن يكون اللمبه معلقه مش اكتر ان شاء الله وخير باذن الله متقلقش وطمنا يا جميل