تنتيش فى العربيه
 

عربيتى 128 حصل فيها انها كانت بتنتش

دلوقت لما اكون ماشى على الغيار الاول او الثانى او بعد نقل الغيار مباشره

مش عارف المشكله منين ؟

وليه دايما لما اكون ماشى على البطئ فى المطبات او الاماكن المكسره بيحصل ده
للعلم لما اكون دايش دبرياج فى الوقت ده مابيحصلش تنتيش لكن دلوقت بقيت استغنى عن الدبرياج خوفا على الاسطوانه زى ماالناس قالت

فهل ده طبيعى ولا ايه ؟على فكره للامانه الموضوع ده مقتبس من احد الاصدقاء على النت لانى عندى نفس المشكله لكن مكنش قادر اوصفها كده فا ياريت سرعه الرد من الخبراء لان المشكله دى بجد قرفانى ولكم جزيل الشكر

رد: تنتيش فى العربيه
 

النتش بيكون من المحرك,
و بالتالى مستحيل ان تنتس السيارة و انت دايس دبرياج لأنك فاصل المحرك عن العجلات!
النتش مشكلة بسيطة و بتكون دائما بسبب :
1- أبسط سبب هو بعض الاتساخ فى الكاربيراتير, جرب تنضف الكاربيراتير, و خاصة لو كانت السيارة بتطفى منك.
2- الكهربة, غالبا الابلاتين متاكل و محتاج يتغير.
3- البوجيهات, و فى الحالة دى النتشة بتكون جامدة و حلها تغيير البوجيهات.

ده لو كانت قصدك بالنتشة تقطيع أثناء السير.

أما لو كنت قصدك بالنتشة ان العجل بيلف حوالين نفسه لما بتنقل يبقى ربنا يخليلك العربية دى اللى بتنتش لوحدها على الأول و التانى ده مش عيب اوعى تبيعها ده معناه انها عفية بس انت خف رجلك من على البنزين
:THUMBS~220:

رد: تنتيش فى العربيه
 

مشكور على الرد يا استاز فادى بسىبيحصل التنتيش فى اول دوسه بنزين باحس بنتشه جامده زى رجه بيحسها قوى الا جنبى بعدها بتختفى لما بدوس بنزين وامشى باالعربيه لكن لو خفيت فجأه بنزين بحس بنفس النتشه او الرجه ولو ذوت بنزين فجأه بحس بيها ياريت تقولى ايه الحل وشكرا لسرعه الرد

رد: تنتيش فى العربيه
 

و على فكره انا رحت النهارده لسمكرى وحليت القنطره بتاعت الماتور وعملى بعض التعديلات البسيطه فى الشاسيه لانى كنت مفكر ان فيه كسر فى الشاسيه لكن المشكله زى ما هى وقلى غير ميزان العربيه عند العفشجى ومش عارف اعمل ايه باالظبط على فكره العربيه موديل 90 كل مشكلتها معايه فى النتشه دى ياريت من اعضاء النتدى الافاضل حد يفدنى وشكرا

رد: تنتيش فى العربيه
 

لو قصدك رجة عند الانطلاق بالسيارة على الاول او التانى يبقى السبب واحد من اتنين غالبا :
1- الابسط و هو كسر فى احدى قواعد المحرك أو علبة التروس و دى بسيطة و غير مكلفة.
2- تأكل اسطوانة الدبرياج, فى الحالة دى لازم تغيرها و من اعراضها الأخرى انخفاض استجابة السيارة و ارتفاع استهلاك الوقود و فى المطالع بتلاقى العربية ضعيفة جدا. اسطوانة الدبرياج عمرها الافتراضى ما بين 80-100 الف كلم.