|
تيجو 1600
أعضاء المنتدى المحترمين
توكلت على الله وحجزت التيجو 1600 أمس وإن شاء الله هاستلمها بعد أسبوع زي ما قالوا لي فياريت الأعضاء الأفاضل ينصحوني أعمل إيه عند الاستلام.. أنا هاستلمها من أبو الفتوح اللي في المعادي.. وهم كانوا ناس محترمين جدا عند الحجز بس مش عارف أفضل طريقة علشان أستلم العربية صح وياريت بالمرة سرعة الرد عن أفضل لون لأني تركت تحديد اللون مع المسئول لليوم وفيه سؤال تاني مهم جدا بالنسبة لي عن الكاسيت.. هو قال لي إن الكاسيت في 1600 كلاريون أما في 2000 كينوود.. المهم السؤال عن إمكانية تشغيل الفلاشة على كاسيت الـ 1600 وهل هناك وصلة لذلك أم أنني مضطر لوضع mp3 في الولاعة معذرة للإطالة ولكن هناك استفسارات كثيرة بعد الاستلام إن شاء الله |
رد: تيجو 1600
ألف مبروك و ربنا يكفيك شرها
أنا معنديش تيجو بس هقول لك علي شوية حاجات عامة بخصوص الاستلام ولاعة السجاير + الطفاية + الكتالوج و الضمان + كتالوج الكاسيت و طبعا الاستبن و الكوريك و مفتاح العجل و عموما كل الحاجات الرفيعة اللي ممكن تتنسي و طبعا تاخذ لفتين حولين العربية من بره و تدقق في كل التفاصيل (خلوص جميع الابواب متناسق) الانوار شغالة و تجرب التكييف و الباور و الزجاج و الريموت و كل حاجة ،، اما عن الكاسيت فلو كان زي بتاع الـ 516 ( و ده اغلب الظن) فمفيهوش وصلة للـفلاشة ، الالوان طبعا مسألة اذواق بس انا افضل الاسود عليها شكلة تحفة بجد و كمان مطلوب جدا في اعادة البيع في حالة الرغبة في التجديد بعد عدة سنوات و عقبال الشيروكي |
رد: تيجو 1600
بالضبط كما قال أخونا hossamhussein0 وأضيف
ألوان التيجو http://www.masrmotors.com/vb/showthread.php?t=18669 وأفضل الألوان بالترتيب الأسود - الأسكاى جرى - النبيتى - الفضى كاسيت الـ 1600 هو بالفعل كاسيت الـ 516 http://www.aweimages.com/clarion/ADB340MP.jpg فى واصلة AUX بالتوفيق إن شاء الله وربنا يكفيك شرها ويديلك خيرها |
رد: تيجو 1600
ألف مبروك و ربنا يكفيك شرها أنا معايا ال2000 أتوماتيك بس مشتريها مستعمل وهات الفضى أجمل لون فى نظرى |
رد: تيجو 1600
الكاسيت الكلاريون ده للأسف رغم كتره الأماكنيات اللى فيه لكنى مش مقتنع بيه بنسبه 1% ختى وان شاء الله هغيره عن قريب رغم انى مبحبش الصوت العالى واغلب اللى بشغله قرأن كريم لكن طول عمرى اما كنت بركب اى عربيه جديده قبل الأسبرانزا لازم يكون فيها USP وده مفيهوش الخاصيه المهمه دى
|
| الساعة الآن 01:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017